Update 16

ఇంకో తొమ్మిది నెలలు గడిచాయి. అక్షిత ఆచూకి తెలియలేదు. ఇంట్లో కొత్తగా చిన్నా కొడుకు వచ్చేసరికి ఎవ్వరికి టైం తెలియడం లేదు. అందరూ సంతోషంగా ఉన్నారు ఒక్క చిన్నా తప్ప. చిన్నాకి చిన్నా కొడుక్కి ఓ పెద్ద యుద్ధమే జరుగుతుంది, వాడు పిల్లాడే వీడు పిల్లాడే.. వాడు ఏడుస్తున్నాడు వీడు ఏడవలేక నవ్వుతున్నాడు.

చిన్నా : ఏం చేస్తున్నావ్

శృతి : వీడికి పాలు పడుతున్నా

పక్కనే శృతి వాళ్ళ అమ్మ, భారతి ఇద్దరు ఉండేసరికి సరేలే అని వెళ్ళిపోయాడు. కాసేపాగాక మళ్ళీ వచ్చాడు.

చిన్నా : ఏం చేస్తున్నావ్

శృతి : పడుకున్నాడు

శృతి వాళ్ళ అమ్మ, భారతీ ఇద్దరు పక్కనే ఉన్నారు. కాసేపాగి మళ్ళీ వచ్చాడు. ఎక్కడికో రెడీ అవుతుంది శృతి.

చిన్నా : ఎక్కడికి ?

శృతి : అంగన్ వాడి దెగ్గరికి వెళ్లి పేరు ఇచ్చి వస్తా

చిన్నా : అవసరమా అవన్నీ

శృతి : అవసరమే.. ఇంజక్షన్ చేయించాలంట.. రెడీ అయ్యి బిడ్డతొ వెళ్ళిపోయారు అంతా

పక్కింట్లో చూస్తే రేఖ లేదు, ఫోన్ చేసాడు.

రేఖ : చెప్పరా

చిన్నా : ఇంట్లో లేవు

రేఖ : జూన్ మొదలయింది నాన్నా కూల్లో బుక్స్, అట్టలు, స్టిక్కర్లు అని దూల తీరుస్తుంది ఇది

చిన్నా : ఒక్కదానివే వెళ్ళావా

రేఖ : ఇందాక నువ్వు లేవు

చిన్నా : ఫోన్ చెయ్యచ్చుగా

రేఖ : ఇప్పుడేమైందిలే.. నేను చూసుకుంటా.. శృతి అంగన్ వాడికి వెళ్లిందా

చిన్నా : వెళ్ళింది.. ఒక్క నిమిషం.. మధు అమ్మ ఫోన్ చేస్తుంది అని పెట్టేసి.. చెప్పవే అన్నాడు

మధుమతి : లావణ్యని ఎవరో ఎత్తుకుపోయారు

చిన్నా : ఎవరు.. ఎందుకు

మధుమతి : ఎవరో సాహితీ అనే అమ్మాయి ఫోన్ చేసి పిలిస్తే బైటికి వెళ్ళింది. అంతే మళ్ళీ రాలేదు. ఫోన్ స్విచ్ ఆఫ్ వస్తుంది. అంకుల్ వెతికిస్తున్నాడు.. నాకు భయంగా ఉంది.. నువ్వు రావా

చిన్నా : వస్తున్నా

xxxxxxxx

శృతి తన అమ్మతొ అత్తయ్య భారతితొ అంగన్ వాడి దెగ్గరికి నడుచుకుంటూ వెళుతుంది.

శృతి : కారులో వెళ్ళేవాళ్ళం కదా

శృతి అమ్మ : నడక మంచిది, వాడికి గాలి తగలాలి

భారతి : ఎందుకే వాడికి రోజూ అక్షిత ఫోటోలు చూపిస్తున్నావ్ ?

శృతి : వాడి అత్త ఎలా ఉంటదో వాడికి తెలియద్దా, ఇప్పుడు చూడు.. కన్నా.. అక్షితా.. అనగానే నవ్వాడు బాబు

భారతి : అబ్బో..

శృతి అమ్మ : నవ్వుతున్నాడే వాడు.. వాడిని ఆడిస్తూ నవ్వుతూ వెళుతున్నారు.

శృతి : అక్షిత పోలికలు దిగిపోయాయి కదా అత్తయ్యా

భారతీ : కళ్ళు మాత్రం దానివే, సూటిగా చూస్తాడు వీడు కూడా

శృతి : ఏరా.. అత్త పోలికలోడా.. అది వచ్చాక మన దెగ్గరికి రాడేమో

శృతి అమ్మ : ఎక్కువగా అలవాటు చెయ్యకు, పసి పిల్లలు కదా అలా ఎక్కువగా ఫోటోలు చూపిస్తే మర్చిపోలేరు.

భారతి : పేరు ఏం అనుకుంటున్నారు

శృతి : ఏమో.. వీడయ్యకే తెలియాలి. దూరం నుంచి చూస్తున్నాడు కానీ దెగ్గరికెళ్లి ఆదుకోవట్లేదు చిన్నా అప్పటి వరకు కన్నా నే వీడి పేరు

శృతి అమ్మ బలవంతంగా కన్నాని లాక్కుని ఇంజక్షన్ చేయించి తీసుకొచ్చింది. వాడు అస్సలు ఏడవలేదు.

శృతి అమ్మ : చూడు వాడికి చీమ కుట్టినట్టు కూడా లేదు నువ్వేమో గోల గోల

శృతి : ఏమోనే భయమేసింది. ఇక పదండి పోదాం.

ఇంటికి వచ్చేసరికి రేఖ కూడా వచ్చేసింది. బాబుని ఉయ్యాల్లో పండేస్తే అమ్ములు ఆడిస్తుంది. రేఖ ఇంట్లోకి రాగానే చిన్నా గురించి అడిగింది.

శృతి : బైట ఏంటి ఆఫీసర్లు ఉన్నారు, ఈ చిన్నా ఫోన్ ఎత్తట్లేదు, ఎక్కడికెళ్లాడు చెప్పా పెట్టకుండా

రేఖ : మన లావణ్య కనిపించట్లేదట దయా ఫోన్ చేసాడు. కిడ్నాప్ అంటున్నారు. సెక్యూరిటీ లేకుండా ఎక్కడికి వెళ్లొద్దని చెప్పాడు.

భారతి : ఎప్పుడు మనకే జరుగుతాయేంటి, అస్సలు ప్రశాంతంగా ఉండనివ్వరా మనల్ని

వాళ్లంతా మాట్లాడుకుంటుంటే శృతి మళ్ళీ ఫోన్ చేసింది చిన్నాకి, ఈ సారి ఎత్తాడు.

చిన్నా : చెప్పు

శృతి : ఏమైంది ?

చిన్నా : మస్తాన్ గాడి పని అనుకుంటున్నారు

శృతి : వాళ్లంతా జైల్లో ఉన్నారుగా !

చిన్నా : జైల్లో ఉంటే..

శృతి : దాన్ని కాపాడు

చిన్నా : ట్రై చేస్తాను

శృతి : ఎంత వద్దన్నా నిన్ను క్రైమ్ కి ఎంత దూరం లాక్కొచ్చినా ప్రమాదం నీకు దెగ్గర అవుతూనే ఉంది. నీ మీద ఆధారపడి ఇద్దరం ఉన్నామని మర్చిపోకు. తొందరపడకు.. అలోచించి అడుగులు వెయ్యి

చిన్నా : హా..

శృతి : ఇందాక కన్నా గాడు అక్క అనడం విన్నాను.. తొందరలోనే అక్షితని అడిగేస్తాడు. జాగ్రత్త చిన్నా

చిన్నా : భయపడకు.. జాగ్రత్తగా ఉంటాను. ఉమ్మా

శృతి : లవ్ యు.. ఫోను పెట్టేసి గుండెకి హత్తుకుంది

బాబు ఏడుస్తుంటే పాలు పట్టడానికి వెళ్ళింది.

xxxxx

"హలో నేను మంగమ్మని మాట్లాడుతున్నాను. లక్ష్మక్కా ?"

లచ్చు : చెప్పవే

మంగమ్మ : ఇందాక ఒకమ్మి ఓ బిడ్డని తీసుకొచ్చింది, బిడ్డ అరచేతిలో మచ్చ ఉంది

లచ్చు : నిజంగానా.. ఎక్కడ ఉంటారో తెలుసుకున్నావా, చెప్పవే

మంగమ్మ : ఫాలో అయ్యాను. ఇంటి ముందు ఆఫీసర్లు ఉన్నారు. పెద్దవాళ్లే అనుకుంటా

లచ్చు : అవన్నీ నీకు అనవసరం

మంగమ్మ : బిడ్డ ఇల్లు చూపిస్తా.. నాకు ఎంత ఇస్తావ్

లచ్చు : లక్ష ఇస్తానని చెప్పా కదా

మంగమ్మ : ఆ బిడ్డ మీకు దొరికితే నాతో మీకిక పని ఉండదు

లచ్చు : రెండు లక్షలు ఇస్తా

మంగమ్మ : అకౌంట్ నెంబర్ పంపిస్తున్నా

xxxxx

దామోదర్ : ఏమైనా చేస్తారేమో.. చంపేస్తారా.. చిన్నా ఇంకా రాలేదా ?

దయాకర్ : అన్నా.. భయపడకండి, ఫోన్ చేశాను. అప్పుడే బైలుదేరానన్నాడు.

మధుమతి : వాడికి నేను ఎప్పుడో ఫోన్ చేసి చెప్పాను, ఇంకా ఎందుకు రాలేదు ?

అందరు ఆలోచిస్తుంటే అక్కడికి సుల్తాన్, సంపత్ వచ్చారు. హాల్లో మెయిన్ టీవీకి సిస్టం కనెక్ట్ చేసి, మానిటర్స్ అన్నీ సెటప్ చేసాడు. పావుగంటకి టీవీ మీద చిన్నా కనిపించాడు. వాడు బండి మీద ఉన్నాడు.

సుల్తాన్ : చిన్నా వినిపిస్తుందా

చిన్నా : వినిపిస్తుంది

దామోదర్ : ఏం జరుగుతుంది సుల్తాన్.. వాడు ఎక్కడికి వెళ్తున్నాడు

సుల్తాన్ : లావణ్య గారిని తీసుకెళ్తున్నప్పుడు సీసీలో రికార్డు అయిన వీడియో చూసాం. కారు నెంబర్ ఫేక్ అని తేలింది. మధ్యాహ్నం నుంచి అన్నీ చెకపోస్ట్ ల సీసీ కెమెరాలని హాక్ చేసి వెతికితే ఇందాక కాంకోల్ ప్లాజా దాటినట్టు కనిపించింది.

దయాకర్ : హాక్ చేశారా ! మనం చిన్నాని ఎలా చూడగలుగుతున్నాం ?

సుల్తాన్ : నేనే తయారు చేశాను. చిన్న బగ్.. ఆ డ్రోన్ చిన్నా పైన ఉండి మనకి చుట్టూ చూపిస్తుంది

దయాకర్ : సౌండ్ రాదా

సుల్తాన్ : చాలా ఎత్తులో ఉండి జూమ్ చేస్తుంది, ఎక్కువ రాదు

దయాకర్ : నేను మా వాళ్ళని అలెర్ట్ చేస్తాను.

దామోదర్ : వద్దు.. నేను ముంబై మినిస్టర్ తొ మాట్లాడతాను. చిన్నా ఎంత దూరం వెళ్తాడో వెళ్ళనీ, వాళ్లకి మనం వెంబడిస్తున్నామని తెలిస్తే వాళ్ళ ప్లాన్ చేంజ్ అయ్యే అవకాశం ఉంది

దయాకర్ : కానీ

దామోదర్ : నాకు మీ ఆఫీసర్ల మీద నమ్మకం లేదు దయాకర్

దయాకర్ : ఒక్కడినే పంపుతున్నాం, వాడికి ఏమైనా జరిగితే.. ఒకప్పుడు వేరే కానీ ఇప్పుడు..

సంపత్ : ఏమి జరగదు అన్నా.. అక్క కూడా వెళ్తుంది

దయాకర్ : ఎవరు ?

సంపత్ : గంట ముందు అక్షిత అక్క ఫోన్ ఆన్ అయినట్టు నోటిఫికేషన్ వచ్చింది, వెంటనే ఎమర్జెన్సీ అని మెసెజ్ పెట్టాను. కమింగ్ అని మెసెజ్ పెట్టింది. ఇందాకే ఫోన్ చేశాను. ఇక్కడ ఏం జరుగుతుందో చెప్పాను. అక్క కూడా వెళ్తానంది.

దామోదర్ : తనని కూడా చూడగలమా ?

సుల్తాన్ : లేదు సర్

xxxxx

శృతి ఫోన్ మొగుతుంటే ఎత్తింది

అక్షిత : శృతీ..

శృతి : అక్కీ.. చిన్నా ఒక్కడే పోయాడంట.. అది ఎలా ఉందో.. జైల్లో కూర్చుని చేయిస్తున్నారంటే వాళ్ళు ఎంత డేంజర్.. నాకు భయంగా ఉంది

అక్షిత : అవన్నీ వాడు చూసుకుంటాడులే.. నేనూ వెళ్తున్నా.. భయపడకు.. ఇంతకీ ఎవరు ఏడుస్తుంది ?

శృతి : ఇంకెవరు నా కొడుకు

అక్షిత : నీకు కొడుకు పుట్టాడా !

శృతి : హా మొత్తం నీ పోలికలేనే.. ఇదిగో విను.. రేయి కన్నా.. ఇదిగో నీ అత్త.. నీ అక్షిత

"యా.. యా.. య్యే.."

శృతి : మాట్లాడు..

అక్షిత : హలో

"అక్.. క్.. కా.. అక్క్..క్కా"

శృతి : నిన్నే పిలుస్తున్నాడు.

అక్షిత : వాడికి నేను తెలుసా !

శృతి : నీ ఫోటో చుడనిదే పాలు కూడా తాగడు, రోజు నీ ఫోటో ఒకటి నమిలి చించుతాడు. నీకు ఇవన్నీ ఎందుకు, నువ్వు మనుషుల్లో ఉండే రకం కాదు కదా

"అక్.. క్.. కా.. అక్క్..క్కా"

శృతి : ఒక్కసారి వాడిని చూసి ఎత్తుకుని మళ్ళీ వెళ్లిపోవే.. నేను ఆపను

అక్షిత : ముందు లావణ్యని తెద్దాం

శృతి : అది చాలా మంచిదే.. దానికి అస్సలే భయం. ఏం కాకుండా బయటపడితే తిరుపతి కాలినడకన వెళ్తాను

అక్షిత : జాగ్రత్త..

శృతి : మీరు జాగ్రత్త.. నువ్వు, చిన్నా, లావణ్య

హ్మ్ అని పెట్టేసింది. సంపత్ కి ఫోన్ చేసింది.

సంపత్ : హలో ఎవరు ?

అక్షిత : నేనేరా.. ఇప్పుడు ఎక్కడున్నారు ?

సంపత్ : చిన్నా హైదరాబాద్ ఇప్పుడే దాటేసాడు. ముంబై హైవేలో ఉన్నాడు

అక్షిత : వెళ్తున్నా

సంపత్ : ఎలా వెళ్తున్నావ్ ?

అక్షిత : కారులోనే.. ఎవరిది అని అడక్కు నాకు కూడా తెలీదు

సంపత్ : ఈ ఫోన్ ?

అక్షిత : నాకు మాత్రం ఏం తెలుసురా.. ఎవరిదో మరి ఇది

సంపత్ : అక్కా.. ఈ ప్రపంచంలో నీకు అతి పెద్ద ఫ్యాన్ లేదా భక్తుడు ఉన్నాడంటే అది నేనే

అక్షిత : హహ.. అప్డేట్ చేస్తూ ఉండు. పెట్టేసింది

సంపత్ : హంట్ బిగిన్స్

సుల్తాన్ నవ్వాడు

దయాకర్ : ఎంజాయి చేస్తారేంట్రా.. ఎత్తుకెళ్ళింది మన అమ్మాయిని

సుల్తాన్ : కాపాడ్డానికి వెళ్లిన వాళ్ళు కూడా మాములోళ్లు కాదు కదా భయ్యా

సంపత్ : అమ్మా.. మీరు కంగారుపడకండి, మమ్మల్ని నమ్మండి. ఓ కప్పు కాఫీ ఇస్తే.. ఒరేయి ఇవన్నీ వాడు వింటున్నాడా !

సుల్తాన్ : మ్యూట్ లో ఉందిలే​
Previous page: Update 15