Romance భార్య భర్తల కిల్లికజ్జాలు [Completed]

గౌతమ్ కూడా నందు వెనక్కి వెళ్తూ "ఎందుకు నందు ఇంత పట్టుదలగా ఉన్నావు??? మొగుడు ఒక మాటంటే పడలేవా??? అంత కాని వాడిని అయ్యానా???" అని బాధగా అడుగుతాడు

"కానీ వాడివి నువ్వు కాదు గౌతమ్ నీకే నేను కాని దానిని అందుకే నిన్న అలా అన్నావు..... నీ మనసులో లేకుండానే నీ నోట్లో నుంచి అలాంటి మాటలు నా గురించి వస్తాయా???? నువ్వు అలా అని అనుకుంటున్నావు కాబట్టే నీ నోట్లో నుంచి కూడా అవే మాటలు వచ్చాయి.... నేను ఎప్పుడూ అలాంటి మాటలు నీ నుంచి ఎక్స్పెక్ట్ చేయలేదు గౌతమ్ ....." అని చెప్పి సైలెంట్గా వంట చేసుకుంటూనే ఉంటుంది

గౌతమి ఏదో మాట్లాడబోతే ఉంటే తన ఫోన్ రింగ్ అవుతూ ఉంటుంది.....

" ముందు వెళ్లి ఫోన్ లిఫ్ట్ చెయ్ గౌతమ్ ఎంత ఇంపార్టెంటో ఏమో!!!" అని గౌతమ్ వైపు చూడకుండానే అంటుంది

గౌతమ్ అసహనంగా వెళ్లి ఫోన్ లిఫ్ట్ చేసి ఫోన్ లో చెప్పిన మాటలు విని షాక్ అయ్యి వెంటనే హడావిడిగా బైక్ తీసుకొని బయటికి వెళ్ళిపోతాడు......

గౌతమ్ అలా వెళ్ళిపోవటం చూసి ఎందుకు వెళ్లాడో కూడా అర్థమై మిగిలిన పనులు చేసుకుంటూ నందు బిజీ అయిపోతుంది.....

గౌతమ్ నేరుగా రైల్వేస్టేషన్ కి వెళ్ళి తనకి కావాల్సిన వాళ్ళ దగ్గరికి వెళ్లి "ఏంటి అమ్మ నాన్న ఇంత సడన్ గా వచ్చారు??? కనీసం ఒక్క మాట కూడా చెప్పలేదు???? మీరైనా చెప్పలేదు ఏంటి అత్తయ్య మావయ్య????" అని మౌనిక వైపు చూస్తూ "ఎలా ఉన్నావు మౌనిక???" అని అడుగుతాడు

"బాగున్నాను బావ...." అని నవ్వుతూ చెప్పగానే గౌతమ్ తన అమ్మానాన్నల వైపు చూస్తాడు.... గౌతమ్ చూపుని అర్థం చేసుకొని "అదేంటి రా అంటావ్ మేము వస్తున్నాము అని నిన్నే నందుకి చెప్పాము కదా!!!! పైగా కోడలు పిల్ల ప్రెగ్నెంట్ అయితే ఈ టైంలో తనని ఒంటరిగా ఎలా వదిలేస్తాము అనుకున్నావు???? అందుకే తనని చూసి ఒకసారీ డాక్టర్ కి చూపించి మాతోపాటు తీసుకు వెళ్దామని వచ్చాము....." అని అయోమయంగా అంటారు

గౌతమ్ తన అమ్మ చెప్పిన మాటకి నందు ప్రెగ్నెంట్ అన్న దాని దగ్గరే తన మైండ్ ఆగిపోయి వెంటనే ఆనందంతో అంటే "నేను తండ్రి కాబోతున్నానా??? మరి నందు నాకెందుకు చెప్పలేదు????" అనుకుంటూ నిన్న నందు తన కోసమే ఎదురు చూస్తూ ఏదో చెప్పాలని ట్రై చేయడం గుర్తుకు వచ్చి గౌతమ్ బాధగా "ఎంతో సంతోషంగా నాతో ఈ న్యూస్ షేర్ చేసుకోవాలని అనుకుంది.... కానీ నేను నందు కి మాట్లాడే ఛాన్స్ కూడా ఇవ్వకుండా నానా మాటలు అని తనని బాధపెట్టాను.... ఇలాంటి టైం లో మైండ్ ఎంత ప్లెజెంట్ గా ఉండాలి??? అలాంటిది నేనే తనని బాధపెట్టాను..... నన్ను నేను ఎన్ని అనుకున్న తక్కువే...." అనుకుంటూ ఆలోచించు కుంటూ ఉంటాడు

గౌతమ్ అమ్మ గౌతమ్ వీపు మీద కొట్టగానే గౌతమ్ స్రృహ లోకి వచ్చి "ఏంటమ్మా అంత గట్టిగా కొట్టావు???" అని తన వీపు రుద్దుకుంటూ చిరాకుగా అడుగుతాడు

"ఎంత పిలిచినా పలకక పోతే కొట్టక పోతే ముద్దు పెట్టుకోవాలా???? ఎన్నిసార్లు పిలవాలి రా??? అయినా నీకు తెలియదా నందు ప్రెగ్నెంట్ అని!!! నందు నీకు చెప్పలేదా మేము వస్తున్నామని???" అని అనుమానంగా అడుగుతారు

గౌతమ్ తడబడుతూ "అది అమ్మ అని నందు చెప్పింది కానీ నేనే మర్చిపోయాను..... ఉదయం మీరు ఫోన్ చేసేదాక నాకు గుర్తుకులేదు సారీ అందుకే టైం కి రాలేక పోయాను...." అని కవర్ చేస్తాడు

గౌతమ్ అమ్మగారు నాన్నగారు ఇంకా అనుమానంగా గౌతమ్ వైపు చూస్తూ ఉంటే గౌతమ్ అది గమనించి "సరే సరే పదండి నందు మన కోసం వెయిట్ చేస్తూ ఉంటుంది..... అది ఇంకా టిఫిన్ కూడా చేయలేదు...." అని హడావిడి చేసి అందర్నీ తీసుకుని ఇంటికి వెళ్తాడు

గౌతమ్ ఇంటికి వచ్చి నందు వైపే చూస్తూ మనసులో "ఐ యాం రియల్లీ సారీ నందు.... నేను నిన్ను చాలా బాధ పెట్టాను కానీ ఇక నుంచి నీ కళ్ళల్లో కన్నీరు రాకుండా చూసుకుంటాను.... ఇట్స్ మై ప్రామిస్...." అనుకుంటాడు

నందు అందరినీ ఆప్యాయంగా పలకరించి గౌతమ్ అమ్మగారు నందు అమ్మగారు నందు ఆరోగ్యం గురించి తెలుసుకొని "డాక్టర్ దగ్గరికి వెళ్ళావా నందు???" అని అడిగితే

" ఈరోజు వెళ్లాలి అపాయింట్మెంట్ తీసుకున్నాను.... ఆఫ్టర్నూన్ వెళ్దాం ‌..... గౌతమ్ కి ఆఫీస్ ఉంది అందుకే మీరు నేను వెళ్దాం లే!!!" అని నవ్వుతూ అంటుంది

గౌతమ్ వెంటనే "లేదు నందు ఆల్రెడీ నేను వన్ వీక్ లీవ్ చెప్పేశాను.... ప్రాజెక్ట్ కూడా నిన్నే అయిపోయింది కాబట్టి వర్క్ కూడా అంతగా లేదు.... నువ్వు నేను కలిసి హాస్పిటల్ కి వెళ్దాంలే...." అని నవ్వుతూ అంటాడు

నందు అందరూ ఉన్నారని ఇక ఏం మాట్లాడలేక సైలెంట్గా సరే అని తల ఊపుతుంది.....

"సరే పద నందు ఇప్పటికే చాలా లేట్ అయింది..... నువ్వు కరెక్ట్ టైం భోజనం చేయాలి అసలే చాలా నీరసంగా ఉన్నావు కదా!!!" అని చెప్పి అందరినీ టిఫిన్ కి రమ్మని చెప్పి అందరూ టిఫిన్ చేస్తుంటే గౌతమ్ స్వయంగా తనే నందు కి తినిపించటానికి నందు నోటి దాకా టిఫిన్ తీసుకు వస్తాడు..... నందు అందరూ వైపు చూస్తూ నవ్వు నటిస్తూ "నువ్వు తిను గౌతమ్ నేను తింటా లే...." అని అంటున్న గౌతమ్ బలవంతంగా "అవసరం లేదు ఈరోజు నుంచి నేనే నీకు తినిపిస్తాను...." అని నవ్వుతూ చెప్పి బలవంతంగా నందు నోట్లో టిఫిన్ పెడతాడు..... నందు కూడా అందరూ ఉన్నారని సైలెంట్ అయిపోతుంది.....

అలా అందరూ టిఫిన్ చేసి సోఫా లో కూర్చోగానే "సరే నందు నువ్వు రెస్ట్ తీసుకో..... ఇలాంటి టైం లో ఎక్కువగా రెస్ట్ తీసుకోవాలి.... దేని గురించి స్ట్రెస్ తీసుకోకూడదు..... లేదంటే లోపల బేబికి ప్రమాదం..... ఈ టైం లో నువ్వు చాలా జాగ్రత్తగా ఉండాలి....." అని గౌతమ్ అమ్మగారు అంటారు

"అవసరం లేదు అత్తయ్య నేను ఫుల్ హెల్తీగా ఉన్నాను.... నేను కూడా మీకు వంటలో హెల్ప్ చేస్తాను....." అని అంటుంది

గౌతమ్ కోపంగా పైకి లేచి "అవసరం లేదు నువ్వు రెస్ట్ తీసుకో అమ్మ , అత్తయ్య వంట చేస్తారు....." అని చెప్పి నందుని రెండు చేతులతో ఎత్తుకుని బెడ్ రూం లోకి తీసుకు వెళ్తూ ఉంటాడు

గౌతమ్ అలా చేస్తాడు అని ఊహించని షాక్ అయి "గౌతమ్ అందరి ముందు ఇలా చేయొద్దు..... ముందు నన్ను కిందికి దించు...." అని కోపంగా అంటుంది

గౌతమ్ కోపంగా నందు వైపు చూస్తూ "నోరు మూసుకుని ఉండు.... నిన్నటి నుంచి చాలా ఎక్కువ చేస్తున్నావ్.... నీ పని రూమ్ లోకి వెళ్ళాక చెప్తాను...." అని చెప్పి తమ బెడ్ రూమ్ లోకి తీసుకు వెళ్లి బెడ్ మీద పడుకోబెట్టి డోర్ క్లోజ్ చేసి తను హ్యాండ్స్ ఫోల్డ్ చేస్తూ కోపంగా నందు వైపే చూస్తూ తన దగ్గరికి వస్తూ ఉంటాడు.....

గౌతమ్ అంత కోపం గా తన వైపు చూస్తూంటే నందు అయోమయంగా గౌతమ్ చూస్తూ "ఏమైంది గౌతమ్ ఎందుకు ఇలా బిహేవ్ చేస్తున్నావు???? నిన్నే అన్నావు కదా నేను నీకు అవసరం లేదని!!!! మళ్ళీ ఇదంతా ఏంటి???" అని కోపంగా అడుగుతుంది

"నిన్న నేను ఏదో ఫ్రస్టేషన్లో ఒక్క మాట అంటే నువ్వు అది అంత సీరియస్ గా తీసుకున్నావా నందు??? మరి నువ్వు ప్రతిసారి నీకు అవసరమైన దాని కోసం నా దగ్గర ప్రేమగా ఉంటావు కదా అప్పుడు నేను ఎంత ఫీల్ అవుతానని నువ్వు ఆలోచించావా??? ఎప్పుడూ అలా ఆలోచించలేదు కదా!!! నాకు తెలుసు నేను చిన్న మాట అంటేనే నువ్వు తట్టుకోలేక పోయావు.....మరి నీ బిహేవియర్ పెళ్లయినప్పటి నుంచి ఇంతే ఉంది నేను ఎంత బాధ పడి ఉంటాను అని నువ్వు ఎందుకు ఆలోచించవు????" అని బాధగా అడుగుతాడు

పెళ్లయినప్పటి నుంచి తన బిహేవియర్ గుర్తు చేసుకుని గౌతమ్ చెప్పినవన్నీ అన్నీ నిజాలే అని తన మనసు చెప్తున్నా అయినా కూడా బింకంగా "నేను నీకు ఏది తక్కువ చేయలేదు గౌతమ్ కానీ నువ్వు నన్ను అలా అనటం చాలా తప్పు.... నేను ఈ విషయంలో చాలా హర్ట్ అయ్యాను..... నువ్వు ఏమైనా చెప్పు నేను మా అమ్మ వాళ్ళ ఇంటికి వెళ్ళి పోతున్నాను.....ఇంకా ఎప్పటికీ ఇక్కడికి రాను.... కనీసం నువ్వైనా ప్రశాంతంగా ఉండొచ్చు..... మీ వాళ్ళకి ఏం చెప్పుకుంటావో చెప్పుకో!!!!" అని కోపంగా అంటుంది

గౌతమ్ కోపంగా నందు కళ్ళలోకి సూటిగా చూస్తూ "ఇదేనా నీ లాస్ట్ మాట???" అని అడుగుతాడు

నంద గౌతమ్ కళ్ళలోకి చూడలేక తల పక్కకి తిప్పి అంతే అని అంటుంది.....

గౌతమ్ వెంటనే నందుని గట్టిగా హాగ్ చేసుకుని ఎటు కదలనివ్వకుండా తన బాధంతా అర్థమయ్యేలా "ప్లీజ్ నందు నన్ను క్షమించవే!!! నువ్వు లేకుండా నేను ఒక్క క్షణం కూడా బ్రతకలేను.... నువ్వంటే నాకు అంత పిచ్చి అర్థం చేసుకో నందు.... నిన్ను నన్ను ఆ మేనేజర్ గాడు పిచ్చి పిచ్చిగా తిట్టాడు.....ఆ ఫ్రస్టేషన్ లో ఏం చేస్తున్నానో!!! ఏం మాట్లాడుతున్నానో!! అర్థం కాక ఆలా చేశేశాను......‌‌ అంతే తప్ప ఏమీ లేదు నందు..... ఇలా నిన్ను బాధ పెట్టినందుకు ఈ ఒక్కసారికి నన్ను క్షమించవే!!!!" అని దీనంగా మొహం పెట్టి అడుగుతాడు

గౌతమ్ అలా చేస్తాడు అని ఎక్స్పెక్ట్ చేయని నందు వెంటనే షాక్ అయ్యి గౌతమ్ నుంచి విడిపించు కోవాలని ట్రై చేసినా తన మాటల్లో తన బాధంతా అర్ధమవుతూ ఉంటే బాధ గా తన వైపు చూస్తూ గౌతమ్ చెప్పేది వింటూ ఉంటుంది.....

నందు కి గౌతమ్ మాటలు వింటూ తన మొహం చూస్తుంటే నవ్వు వస్తున్న అది తన బుగ్గల్లోని దాచి "నువ్వు ఎన్నన్నా చెప్పు గౌతమ్ మీ ఆఫీసులో ఫ్రస్టేషన్ అంత తీసుకువచ్చి ఇంట్లో చూపిస్తే ఎలాగా???? మేము పెళ్లి అవ్వగానే అంతకు ముందు ఉన్న మా ప్రపంచాన్ని వదిలేసి , మా అమ్మానాన్నలని వదిలేసి మరి వంటరిగా మీ కోసం మీ ఇంటికి వస్తే మమ్మల్ని ఇన్ని మాటలు అంటారా???? మీరు ఇలా మాట్లాడితే మేము ఎంత బాధ పడతామో అని ఒకసారి ఆలోచించాలి కదా!!!! పెళ్లయినప్పటి నుంచి ఇప్పటివరకు ఎంతో ప్రేమగా చూసుకునే నువ్వు సడన్ గా నేను అంటే ఇష్టం లేనట్టు నేను రాగానే నీ అదృష్టం అంతా పోయినట్టు మాట్లాడగానే నేను తట్టుకోలేకపోయాను.....

పైగా నీకు నేను ప్రెగ్నెంట్ అన్న గుడ్ న్యూస్ చెప్పాలని ఉదయం నుంచి ఫోన్ చేశాను..... నీకు తెలుసా నువ్వు వెళ్లగానే టిఫిన్ చేసి టీవీ చూస్తూ ఉంటే నాకు ఒకటే వాంతులవుతుంటే పైగా నా నెలసరి వచ్చి పది రోజులు పైనే అవుతుండే సరికి డౌట్ గా అనిపించి చెక్ చేసుకున్నాను.... అప్పుడే నేను ప్రెగ్నెంట్ అని తెలిసింది.... నీకు పిల్లలు అంటే ఎంత ఇష్టమో నాకు తెలుసు కదా!!!! మొట్టమొదట నీకే ఈ గుడ్ న్యూస్ చెప్పాలని ఉదయం నుంచి ఫోన్ చేశాను ఒక్కసారి అంటే ఒక్కసారి కూడా నువ్వు ఫోన్ లిఫ్ట్ చేయలేదు..... సరేలే అని అత్తయ్య మావయ్య కి అమ్మానాన్నలకి చెప్పి వాళ్ళ ఆనందంగా కంగ్రాట్స్ చెప్పి వస్తున్నామని చెప్పగానే

వెంటనే తిరిగి నీకు కాల్ చేశాను అయినా నువ్వు లిఫ్ట్ చేయలేదు.... సరేలే అనుకొని నువ్వు ఇంటికి వచ్చాక నీకు డైరెక్ట్ గా ఈ న్యూస్ చెప్పి నీ కళ్ళల్లో ఆనందాన్ని డైరెక్ట్ గా చూద్దామని వెయిట్ చేస్తూ ఉంటే నువ్వు నన్ను అలాంటి మాటలు అని చాలా హర్ట్ చేసావ్ గౌతమ్..... నువ్వు అన్న మాటలకి నా మనసు ఎంత బాధ పడిందో తెలుసా??? నైట్ అన్నం కూడా తినాలనిపించలేదు...‌. అందుకే సరిగా తినకుండా నిన్న నైట్ అంత నువ్వు అన్న మాటలు తలుచుకుంటూ ఎంత ఏడ్చానో!!! నువ్వు నన్ను ఏడిపించావు గౌతమ్ ఐ హేట్ యూ....." అని ఏడుస్తూ అంటుంది.

గౌతమ్ వెంటనే నందుని హగ్ చేసుకుని "రియల్లీ సారీ నందు నేను అసలు ఊహించలేదు నేను ఎప్పుడూ నిన్ను అలా అంటానని!!!! ఈసారి నా నోటిని చాలా జాగ్రత్తగా ఉంచుకుంటాను..... నిన్ను జాగ్రత్తగా చూసుకోవలసిన టైం లో నా వల్లే నువ్వు ఏడ్చావు అన్న ఫీలింగ్ నే నేను తట్టుకోలేకపోతున్నాను..... ప్లీజ్ నందు నన్ను వదిలెయ్యకే!!!! ఈ ఒక్కసారికి నన్ను ఎక్స్క్యూజ్ చేసేయ్..... ఇంకొకసారి ఇలాంటివి చేస్తే నువ్వు ఏ పనిష్మెంట్ ఇచ్చిన నోరు మెదపకుండా తీసుకుంటాను...." అని అడుగుతాడు

నందు ఇక నిన్నటి నుంచి గౌతమ్ మాటలకి మనసులో ఉన్న బాధ తట్టుకోలేక అది తారస్థాయికి చేరుకొని గౌతమ్ ని గట్టిగా హగ్ చేసుకొని గుక్క పెట్టి ఏడుస్తూ "నువ్వు నిన్ను అలా అనగానే నాకు ఎంత బాధ వేసిందో తెలుసా గౌతమ్???? లైఫ్ లో ఫస్ట్ టైం తప్పు చేసానా అనిపించింది??? నేను నిన్ను చూడగానే ఇష్టపడ్డాను నువ్వు నన్ను పెళ్లి చేసుకున్నాక నిన్నే ప్రాణంగా అనుకున్నాను.... అటువంటిది నీ నోట్లో నుంచి నన్ను నీ జీవితం లోకి తీసుకు రావడం నువ్వు చేసిన పెద్ద తప్పు అని అనగానే లైఫ్ లో ఫస్ట్ టైం ఎందుకు బ్రతుకుతున్ననా అనిపించింది????" అని ఏడుస్తూ అంటుంది

నందు "ష్ ష్ ఏడవకు నందు..... నిన్న నా నోటి నుంచి అలాంటి మాటలు రాకుండా ఉండాల్సింది పొరపాటున వచ్చేశాయి కానీ ఇంటేన్షనల్ గా కాదు అని చెప్పాను కదా!!!! ఇక జీవితంలో నిన్ను కష్టపెట్టే మాట ఒకవేళ అంటే మాత్రం నువ్వు ఏ పనిష్మెంట్ ఇచ్చిన నేను సంతోషంగా తీసుకుంటాను..... కానీ ఇలా నీలో నువ్వే బాధపడుతూ నన్ను బాధ పెట్టకు..... నిజంగా నందు నిన్ను పెళ్లి చూపులలో చూడగానే నాకు నచ్చేసావు..... అందుకే ఫస్ట్ టైం ఒక ఆడపిల్లకి చూడగానే తన పర్మిషన్ కూడా అడగకుండా ముద్దు పెట్టాను.... కానీ పెళ్లయినప్పటి నుంచి నువ్వు నాకోసం ఆఫీసు నుంచి రాగానే నువ్వు ఎదురు వస్తే ఎంత బాగుండు అనుకున్నాను!!!!

నువ్వు మాత్రం ఆ టీవీ సీరియల్స్ చూస్తూ నా మీద చిరాకు పడే దానివి!!!? ఆ టైంలో చాలా బాధగా అనిపించేది!!!!! ఎందుకు నువ్వు నన్ను అర్థం చేసుకోవట్లేదు అని!!!! నీకు ఏదైనా కావాలి అనుకుంటే ప్రేమగా మాట్లాడుతావు లేకపోతే చిరాకు పడతావు.... నిజంగానే నీ బిహేవియర్ నాలో కొంచెం ఫ్రస్టేషన్ లేపింది.... పైగా మొన్న నువ్వు చీర కోసం చేసిన దాని వల్ల లాస్ట్ లో ఉన్న ప్రాజెక్ట్ వర్క్ చేయకుండా ఉండేసరికి ఆఫీస్ లో మేనేజర్ నన్ను ఎడాపెడా వాయించేశాడు...... ఆ కోపం ఫ్రస్టేషన్ అంతా ఎవరి మీద చూపించాలో తెలియక పైగా నువ్వు మళ్ళీ ప్రేమగా మాట్లాడుతుంటే మళ్లీ అలాగే చేస్తున్నావ్ ఏమో అనుకొని బాధపడి అలా అనేశాను..... అంతే తప్ప ఒక్క మాట కూడా నా మనసులో నుంచి వచ్చిన మాట కాదు నందు.... నన్ను కూడా అర్థం చేసుకో నందు...." అని బాధగా అడుగుతాడు

నందు తన కన్నీళ్లు తుడుచుకొని తన చేసిన పనులన్నీ గుర్తుకు వచ్చి గౌతమ్ చేతులు పట్టుకుని "ఐ యాం రియల్లీ సారీ గౌతమ్ నిజంగా ఇందులో నా తప్పు కూడా ఉంది.... నిన్ను ఇలా నిర్లక్ష్యం చేయకుండా ఉండాల్సింది.... అలా చేయబట్టే నీలో ఇలా ప్రస్టేషన్ పెరిగిపోయింది..... ఇక నుంచి నీ విషయంలో ఎటువంటి నిర్లక్ష్యం చేయను ప్రామిస్.... నువ్వు కోరుకున్నట్టుగానే నువ్వు వచ్చేసరికి నీ ఎదురుగా నవ్వుతూ ఉంటాను.... కానీ నువ్వు కూడా ఇకనుంచి మీ ఆఫీసులో టెన్షన్స్ అన్నీ తీసుకువచ్చి నామీద అరవ కూడదు..... మీరు ఒక్క మాట మమ్మల్ని మీ జీవితంలో తక్కువ చేసేలా అంటే అది మేము ఈజీగా తీసుకోలేము అర్థం చేసుకో!!!" అని బాధగా అడుగుతుంది

"నిన్ను బాధపెట్టాలని చెప్పలేదు నందు మేము ఆఫీసులో ఉదయం నుంచి సాయంత్రం వరకు పని చేస్తూ అలసటగా ఇంటికి రాగానే భార్యల దగ్గర నుంచి కొంచెం ప్రేమ ఆదరణ లభించాలని కోరుకోవడంలో తప్పు లేదు కదా!!!! అదే నేను నీ నుంచి ఎక్స్పెక్ట్ చేశాను.... అంతే తప్ప నిన్ను దేనిలోను ఫోర్స్ చేయాలని కాదు..... ఇకనుంచి నువ్వు నీకు నచ్చినట్టు ఉండు పర్వాలేదు....." అని నందు నూతన గుండెలకి హత్తుకుంటూ అంటాడు

"లేదులే గౌతమ్ ఇందులో నా తప్పు కూడా ఉంది...." అని ఒకరినొకరు నాది తప్పు అంటే నాదే తప్పు అని వాదించుకుంటూ ఉంటారు.....

ఇంతలో ఎవరో తమ రూమ్ డోర్ కొడుతూఉంటే ఇద్దరు వాదులాడుకోవడం ఆపేసి ఒకరి మొహం ఒకరు చూసుకొని గట్టిగా నవ్వుకుంటారు.....

ఇంతలో మళ్లీ డోర్ సౌండ్ వినిపించి నవ్వటం ఆపేసి "ఇద్దరిదీ తప్పు ఉంది కాబట్టి ప్రస్తుతానికి చెల్లుకు చెల్లు చేసుకుందాం.... ఇకనుంచి ఇద్దరం ఒకరి గురించి ఒకరం పట్టించుకుంటూ ప్రశాంతంగా లైఫ్ లీడ్ చేద్దాం ఏమంటావు నందు????" అని గౌతమ్ అడుగుతాడు

"నాకు ఒకే గౌతమ్ ఇకనుంచి నేను కూడా నీకు నచ్చినట్టు గానే ఉంటాను...." అని నవ్వుతూ అంటుంది

"సరే ఎవరో వచ్చినట్టు ఉన్నారు... వెళ్ళి చూస్తాను నువ్వు రెస్ట్ తీసుకో!!" అని చెప్పి నందు ని బెడ్ మీద పడుకోబెట్టి గౌతమ్ వెళ్లి డోర్ తీయగానే గౌతమ్ అమ్మగారు నవ్వుతూ గౌతమ్ వైపు చూస్తూ "అయిపోయాయా మీ అలకలు????" అని నవ్వుతూ అడుగుతుంది

అది విని బెడ్ మీద పడుకొని ఉన్న నందు షాక్ గా లేచి కూర్చొని గౌతమ్ వైపు చూస్తుంటే గౌతమ్ కూడా నందు వైపు అలానే చూసి వెంటనే ఇద్దరు సర్దుకొని గౌతమ్ అమ్మగారి వైపు చూస్తూ ఇద్దరూ ఒకేసారి "అలాంటిదేమీ లేదు అత్తయ్య.... అలాంటిదేమీ లేదు అమ్మ.... జస్ట్ మాట్లాడుకుంటున్నాము అంతే!!!" అని కంగారుగా అంటారు

"నాకు తెలుసు మేము వచ్చిన దగ్గరనుంచి మీరు ఇద్దరు చాలా డల్ గా ఉన్నారు... పైగా ఒకరితో ఒకరు సరిగా మాట్లాడుకోవడం లేదు.... అప్పుడే అర్థమైంది మీ ఇద్దరు ఏదో విషయం లో గొడవ పడ్డారని కానీ భార్య భర్తల విషయంలో మేము కలుగజేసుకోవటం మంచిది కాదని సైలెంట్ గా ఉన్నాము.... ఇప్పుడు మీ అంతట మీరే సాల్వ్ చేసుకున్నారు కాబట్టి మాకు టెన్షన్ లేదు.... అందుకే మేమందరం బయట ఉన్న పట్టించుకోకుండా మీరు ఇద్దరు రూమ్ లోకి వెళ్ళిన సైలెంట్ గా ఉన్నాము....సరే కానీ ఇక మీ సర్ది చెప్పుకోవడాలు అయిపోతే రెడీ అవ్వండి డాక్టర్ దగ్గరికి వెళ్ళే టైం అయింది..... అందుకే డోర్ కొట్టి మరి మిమ్మల్ని డిస్టబ్ చేశాను...." అని నవ్వుతూ ఉంటుంది

నందు కూడా గడియారం వైపు చూసి ఆశ్చర్యంగా "అంటే అరగంట నుంచి మేమిద్దరం రూమ్ లోనే ఉన్నామా???" అనుకొని "సరే అత్తయ్య నేను రెడీ అయ్యి వస్తాను...." అని చెప్పిన రెడీ అవడానికి వాష్ రూమ్ కి వెళ్ళిపోతుంది

గౌతమ్ అమ్మగారు లోపలికి వచ్చి గౌతమ్ చేయి పట్టుకొని బెడ్ మీద కూర్చోబెట్టి గౌతమ్ పక్కనే కూర్చుని గౌతమ్ వైపు చూస్తూ "చూడు గౌతమ్ ఇలా చెప్తున్నాను నువ్వు బాధపడకు.... ఒక ఆడపిల్లని పెళ్లి చేసుకుని మన ఇంటికి తీసుకు వచ్చినప్పుడు తనకి ఎలాంటి కష్టం కలగకుండా చూసుకుంటామని తన అమ్మానాన్నలకి ప్రామిస్ చేసి తీసుకు వస్తాము.... అటువంటిది మన వల్ల తను ఒక్క కన్నీటిబొట్టు కార్చిన అది చూసి మనం ప్రశాంతంగా బ్రతకలేము.... కాబట్టి ఎప్పుడూ నందుని బాధపెట్టకుండా చూసుకో...." అని అంటుంది

"అమ్మ నాకు నందు అంటే చాలా ఇష్టం ఇక నుంచి నందు కంట్లో నుంచి కన్నీటి చుక్క రాకుండా జాగ్రత్తగా చేసుకుంటాను.... ప్రామిస్" అని నవ్వుతూ అంటాడు

నందు వాష్ రూమ్ లోపలి నుంచే ఈ మాటలన్నీ విని "నాకు ఎంత మంచి కుటుంబం దొరికింది నిజంగా నేను చాలా అదృష్టవంతురాలిని.... గౌతమ్ నీ విషయంలో నేను ఇలా చేసి ఉండకూడదు.... మీకు కూడా ఆఫీసులో సవాలక్ష టెన్షన్స్ ఉంటాయి అవన్నీ పోవడానికి మా దగ్గర కొంచెం సేపు ప్రశాంతంగా సేద తీరాలి అనుకుంటారు.... కానీ నేను నీకు అలా చేయకుండా ఇంకా ఎక్కువ టెన్షన్ ఇచ్చాను.... ఇక నుంచి ఇలాంటి సిల్లీ బిహేవియర్ నీ దగ్గర చూపించను...." అని తనలో తానే అనుకుంటుంది

తర్వాత నందు బయటికి రాగానే గౌతమ్ ఫ్రెష్ అవడానికి వెళ్ళిపోతాడు....

గౌతమ్ అమ్మగారు నందుని రెడీ చేస్తూ "ఇలా అంటున్నానని తప్పుగా అనుకోకు నందు గౌతమ్ ది చిన్న పిల్లల మనస్తత్వం చిన్న చిన్న వాటికి సంతోషిస్తాడు కానీ మనం కూడా వాళ్లకి ఎటువంటి ఇబ్బంది కలగకుండా చూసుకోవాలి..... వాళ్ళు బయట సవాలక్ష పనులు చేసుకుని ఇంటికి వస్తారు..... అటువంటి వాళ్ళ దగ్గర మనం మన టెన్షన్స్ కూడా చెప్పి ఇంకా ఎక్కువ బాధ పెట్టకూడదు..... సాధ్యమైనంతవరకు వాళ్ళకి చేదోడువాదోడుగా ఉండాలి కానీ మనం ఇంకా వాళ్ళకి బరువై పోకూడదు....." అని అంటుంది

నందు వెంటనే గౌతమ్ అమ్మగారిని హగ్ చేసుకొని "అలాగే అత్తయ్య గౌతమ్ ని ఇకనుంచి చాలా జాగ్రత్తగా చూసుకుంటాను...." అని అంటుంది

గౌతమ్ కూడా ఫ్రెష్ అయి రాగానే అందరూ కలిసి హాస్పిటల్ కి వెళ్లి డాక్టర్ని కలుస్తారు డాక్టర్ నందుని చెక్ చేసి తల్లి బిడ్డ హెల్దీ గా ఉన్నారు అని చెప్పగానే అందరూ సంతోషిస్తారు..... డాక్టర్ ఇచ్చిన ప్రిస్క్రిప్షన్ తీసుకుని వాటిలో టాబ్లెట్స్ మెడికల్ స్టోర్ లో తీసుకొని నందు ని జాగ్రత్తగా ఇంటికి తీసుకు వెళ్తారు..... మధ్యాహ్నం లంచ్ తర్వాత నందు అమ్మగారు నందుని తీసుకెళ్తాను అని చెప్పినా గౌతమ్ ససేమిరా ఒప్పుకోకుండా "నేను నా నందు ని జాగ్రత్తగా చూసుకుంటాను.... కావాలంటే కేర్ టేకర్ ని కూడా పెట్టుకుంటాను..... కానీ నా నందు లేకుండా ఒక్క నిమిషం కూడా నేను ఉండలేను...." అని నందు చెయ్యి గట్టిగా పట్టుకుని అంటాడు

గౌతమ్ ప్రేమకి ఏం చెప్పాలో అర్థం కాక ఎంత చెప్పినా కోపం వినకపోయేసరికి ఇక అందరు చివరికి గౌతమ్ దగ్గరే నందుని ఉంచేలా ఒప్పుకోక తప్పలేదు..... అందరూ కూడా గౌతమ్ ప్రేమ చూసి సంతోషించి అప్పుడప్పుడు వస్తామని చెప్పి గౌతమ్ అమ్మగారు మాత్రం వెళ్లకుండా నందు దగ్గరే తనని చూసుకుంటూ ఉంటానని చెప్పి ఉండిపోయి మిగిలిన అందరు తర్వాతి రోజు అందరూ వెళ్లిపోతారు.....

గౌతమ్, గౌతమ్ అమ్మగారు నందు ని జాగ్రత్తగా చూసుకుంటూ తనని సంతోషంగా ఉండేలా చేస్తారు.... నందు కూడా గౌతమ్ కోరినట్టు గౌతమ్ విషయంలో తనకి నచ్చినట్టుగా ప్రవర్తిస్తూ గౌతమ్ ని సంతోషంగా చూసుకుంటుంది....

అలా ఇద్దరు ఒకరికొకరు తోడుగా మారిపోయి సంతోషంగా లైఫ్ గడిపేస్తూ ఉంటారు..... నందు కి తొమ్మిది నెలల తర్వాత నందు లాంటి బాబు పుడతాడు.... గౌతమ్ తన బాబు ని చేతుల్లోకి తీసుకుని సంతోషంగా నందు నుదిటిన ముద్దు పెట్టి "థాంక్యూ నందు ఇంత మంచి గిఫ్ట్ ఇచ్చినందుకు!!!!" అని సంతోషంగా అంటాడు

నందు కూడా నవ్వుతూ "థాంక్యూ గౌతమ్ నీలాంటి మంచి భర్త నాకు దొరికినందుకు!!!" అని నవ్వుతూ అంటుంది

అలా ఇద్దరూ సంతోషంగా వాళ్ళ లైఫ్ వాళ్ళు ఎంజాయ్ చేస్తూ ఒకరినొకరు అర్థం చేసుకుంటూ ఆనందంగా ఉంటారు......

ఈ కథ ద్వారా నేను చెప్పొచ్చేది ఏంటి అంటే!!!!

మగవాళ్ళకి బయట సవాలక్ష పనులు ఉంటాయి.... ఇంట్లో ఉండే ఆడవాళ్ళ వాళ్లకి చేదోడువాదోడుగా ఉండాలి కానీ ఇంకా తలనొప్పి తెచ్చే పనులు చేసి వాళ్ళకి మన మీద మనసు విరిగేలా చేయకూడదు.... మన భర్తలు ఎవరి దగ్గర వాళ్ళ ఆనందాన్ని, బాధని అంత త్వరగా ‌షేర్ చేసుకోరు.... కానీ భార్య దగ్గర మాత్రం అన్ని చెప్తారు..... వాళ్ళని మన మాటలతో చేతలతో బాధపెట్టకుండా చూసుకోవటం మన బాధ్యత కాబట్టి ఎప్పుడు మగవాళ్ళని ఇది కావాలి అది కావాలి అని అడుగుతూ వాళ్ళకి ఇరిటేషన్ తెప్పించ కూడదు..... భర్తలకి అనుగుణంగా ఉంటే భర్త భార్య ఇష్టాఇష్టాలు అన్ని తెలుసుకొని వాళ్లే మనకి కావల్సినవి ప్రేమతో తెచ్చి మరీ పెడతారు.... మనకి కూడా భర్త ప్రేమతో దగ్గరకు తీసుకుంటే అంతకంటే మించిన సంతోషం మరొకటి ఉండదు కదా!!!! కాబట్టి మనం మన భర్తలని ప్రేమతో చూసుకోవాలి....

అబ్బాయిలు మీరు కూడా పెళ్ళయ్యాక పెళ్ళాం బానిస అనుకుంటూ తనని కాళ్ళ కింద చెప్పులా ఉంచకూడదు..... వాళ్లు కూడా పెళ్లయిన దగ్గరినుంచి అంతకు ముందు ఉన్న తమ ప్రపంచాన్ని కూడా వదిలేసి మీరే లోకంగా బ్రతుకుతారు.... అటువంటిది మీ నుంచి చిన్న నెగిటివ్ కామెంట్ వచ్చిన భార్యలు తట్టుకోలేరు.... కాబట్టి వాళ్ళని బాధపెట్టకుండా మీకు కావాల్సినట్టుగా మీరే మార్చుకోవాలి.....

భార్యాభర్తలు ఇద్దరు ఓపికతో ఉండాలి అలా ఉంటేనే సంసారం సాఫీగా సాగిపోతుంది.... లేదంటే మూడు ముక్కలు విడివిడిగా ఎవరి జీవితం వారు అన్నట్టే బ్రతకాల్సి వస్తుంది......

మొత్తానికి భార్యాభర్తలు గిల్లికజ్జాలు సరదాగా ఉండాలి కానీ ఒకరినొకరు నొప్పించేలా ఉండకూడదు..... భార్యాభర్తల మధ్య గిల్లికజ్జాలు గుర్తుకు వచ్చినప్పుడు వాళ్ళ పెదవుల మీద నవ్వు రావాలి కానీ అసహనం కనిపించకూడదు.... నేను ఈ కథ రాసింది కూడా భార్యాభర్తలు ఒకరి విషయంలో ఒకరు ఎలా ఉండాలి అనేది చెప్పటానికి!!! మీకు నచ్చితే ప్లీజ్ నన్ను కామెంట్స్ తో ఎంకరేజ్ చేయండి నచ్చకపోతే ఇగ్నోర్ చేసేయండి.....

సమాప్తం....​