Misc. Erotica #Dasara - అశ్వహృదయం [Completed]

2. పందెం

“మీ కాలీజీ గొడవ ఆపుతారా , ఈరోజు ఈ మూల నుంచి ఆ మూలకు ఎవ్వరు ముందు వెళతారో చూద్దాం” అన్నాడు మబ్బోడు , రాము కు మేము పెట్టు కొన్న పేరు.
“ఏందిరా , వీడికి ఇప్పటికి వేలుకవ వచ్చింది , వచ్చీ రాగానే పందెం అంటాఉన్నాడు , ఎరా మబ్బు ఏమైనా కల కన్నావా ఎంది నిద్రలో” అన్నాడు అది నవ్వుతు.

“నీ యక్కా , ముందు పందెం గెలిచి ఆ తరువాత చెప్పు ఎవ్వరు మబ్బో” రాము.
“ ఒరే , ఈ పందేలు అవ్వీ ఎందుకు గానీ, రోంచేపు ఈత కొట్టి పోదాం పదండి” శివ
“లేదురా , పాపం వాడు మాట్లాడక మాట్లాడక ఓ మాట మాట్లాడితే అలా తీసేస్తే ఎలారా , ట్రై చేద్దాం” చంద్రా.
“నువ్వే చెప్పరా , ఎంది పందెం ఎక్కడ నుంచి ఎక్కడికి వెళ్లి రావాలి” మోహన్.

“ఆపక్క తెల్ల రాయి ఉంది చూడు దాన్ని తాకి ఇక్కడికి రావాలి”
“ఒరే , ఆపక్క పోయ్యేదానికే పిత్తుల్లు ఆడతాయి , ఇంకా అక్కడ నుంచి ఇక్కడికి తిరిగి రావడం కూడానా?”
“మీలో ఎ ఒక్కరూ ఈ పక్కకు వచ్చినా , రేపు రాత్రికి మీకు అందరికీ సినిమాకు నేను కర్చు పెట్టుకొని తీసుకొని పోతా, మద్యలో తినడానికి , డ్రింక్స్ కి అంతా నేను పెట్టుకుంటా అది పందెం , లేదంటే మీరు నన్ను తీసుకొని పొండి, నాకు కావాల్సిన వన్నీ కోనీయండి” అన్నాడు నవ్వుతు.

“ఓరి , ఈ డెబ్బ పెద్ద ఫిట్టింగ్ పెట్టడురా , వీడికి సినిమా ఎలాగైనా చుపించొచ్చు , మద్యలో వీడు తినే తిండికి మా నాయన ఓ ఎకరం ఎగవ చేను అమ్ము కోవల్ల , నేను డ్రాప్” అన్నాడు మోహన్.
“మీరు వత్తాంటే మీతో పాటు వచ్చినా గానీ, నావల్ల గాదు ఈ పందేలు” అన్నాడు చంద్రా.
“ఒరే అదిగా , నా దగ్గర డబ్బులు లేవు గానీ , నేను ట్రై చేస్తా , నువ్వు కూడా రా నాతొ పాటు చూద్దాం” అన్నాడు శివ లుంగీ తీసి అప్పుడే విప్పిన బనీన్ మీద పడేస్తూ.

“ఏందిరా శివా , జిమ్ గానీ వెళుతున్నావా ఏంది మాకు తెలీకుండా , ప్రబాస్ అన్న లాగా నీక్కూడా 6 పాక్స్ వస్తున్నాయి చూడు”.
“వాడికి ఎసుకోవడానికి సరిగ్గా చెప్పులు లేవు ఇంకా జిమ్ ఎం వెళతాడు, వాడి చేసే పని చూసినావా, పొద్దున్న ఎత్తిన సమ్మెట , మద్యలో బువ్వకే దించుతాడు ఆ తరువాత రాత్రి కే , అందుకే వాడి బాడీ అలా ఉంది” మోహన్ గాడు.

“వాడి అరిచెయ్యి చూడు ఎలా ఉందొ , మొన్న ఎప్పుడో ఊర్లో వేపమాని కింద పందేలు వేస్తుంటే ఈ అది గాడు రెచ్చ గొట్టాడు వీన్ని , టెంకాయ పగల కొట్టమని వీడు మొదలు పెట్టక ముందు చానా మంది ట్రై చేసి సచ్చారు ఓ టెంకాయిని పగల గొట్టే దానికి వీడు అలా దాని మీద చేయి వేశాడో లేదో అది పిచ్చిలు పిచ్చలు అయిపొయింది సుత్తితో కొట్టిన మాదిరి”.

“ఆరోజు నా చెయ్యి బాలేదు గానీ లేకుంటే నేనే గెలిచే వాడిని” అదిగాడు.
“సరేలే వాయి , ఇప్పుడు ఇది ఈది చుపిచ్చు , నీకు వీడితో ఎప్పుడు పోటీనే గదా” మోహన్.
“ఒరే పందేలు తరువాత , మొదట నీళ్ళల్లో దిగండి” అంటూ మోహన్ గాడు అరవ గానే అందరు ఒక్కరి తరువాత ఒక్కరం నీళ్ళల్లో దుకారు.
“చెప్పానా , మనకు చెప్పడు వాడు , చూడు వాడు ఈత కొట్టేది , వాడి చూపు అంతా ఆ తెల్ల రాయి మీదనే ఉంది , వోరే మబ్బు , మీ నాయన దగ్గర డబ్బులు కొట్టేసి రేపు రాత్రికి రెడీగా ఉండు , శివా గాడు ఈదుకొని వస్తాడు చూడు” రాము.

శివా, ఆది, మబ్బోడు అటువైపు గట్టుకు ఈద సాగారు , మిగిలిన ఇద్దరు అక్కడ అక్కడే ఈదుతూ , వాళ్ళ ఇద్దరినీ గమనించ సాగారు.
కొద్ది దూరం వెళ్ళాక , మబ్బోడు వెనక్కు మల్లాడు , మిగిలిన ఇద్దరు ఆ గట్టుకు ఈద సాగారు.
ఓ 30 నిమిషాలు పట్టింది , వాళ్ళు అటువైపు చేరే సరికి, ఆ చివర ఉన్న బండను తాకి శివా వెంటనే వెనక్కు ఈదడం మొదలు పెట్టాడు , అది ఓ నిమిషం పాటు అక్కడే కూచొని శివా ఈదడం చూసి వాడు కుడా నీళ్ళలో దిగి ఇటువైపు శివా వెనుక ఈదడం మొదలు పెట్టాడు.

మరో 20 నిమిషాలకు శివా ఇటువైపు వచ్చాడు , అది గాడు మద్యలో కొద్ది గా ఈది , తన వల్ల కాదు అనుకోని అటువైపు గట్టుకే ఈది , కట్ట మీద నుంచి నడుచుకొంటూ వీళ్ళు ఉన్న వైపు రాసాగాడు.
“మాకు తెలుసురా , ఇక్కడ ఈదే వాళ్ళు ఎవరన్నా ఉన్నారు అంటే నువ్వేరా, ఒరే మబ్బోడా ఎప్పుడన్నా పందెం కట్టే టప్పుడు , శివా గాడు లేనప్పుడు కట్టు , వాడు ఉన్నాడు అంటే నీ నోట్లో మట్టే” మోహన్.
“ఒరే ఊర్లో ఎవ్వరు ఇంత వరకు ఈ పక్క నుంచి ఆ పక్కకు వెళ్ళిన వాళ్ళే , తిరిగి వచ్చిన వాళ్ళు ఎవ్వరు లేరంట , అప్పుడు ఎప్పుడో మన నాయన వాళ్ళు చిన్నగా ఉన్నప్పుడు శివా గాడి తాత ఈదాడు అని మా నాయన చెప్పినాడు , అందుకే పందెం కట్టినా , ఎవ్వరు ఈద లేనప్పుడు వీడు కూడా ఈదలేడని , కానీ ఈడు వీళ్ళ తాతను మించి పోయట్లు ఉన్నాడు, ఒరే దీంట్లో ఒక దాంట్లో నేనా , లేక అన్నింట్లో మీ తాత పోలికలు వచ్చినాయా నీకు ఏంది?” అన్నాడు మబ్బోడు.

“కోసింది చాల్లే గానీ , పదండి ఇంటికి పోదాము నాకు బాగా ఆకలి గా ఉంది” అన్నాడు శివా
బట్టలు కట్టుకొని అందరు ఇంటి దారి పట్టారు.
“రేయి రేపు రాత్రికి అందరు రెడీ గా ఉండండి , సెకండ్ షో కు వెళదాం టౌన్ కి”
“ఒరే సెకండ్ షో అంటే లేట్ అవుతుంది రా , మనకు రావడానికి ఎం దొరకవు.”
“నేను మా నాయన్ను అడిగి బైక్ తెస్తా , ఇంకో బైక్ ఉంటె ఎలాగో మేనేజ్ చేయచ్చు” అన్నాడు చంద్రా.

“రేపు గదా , ఎలాగో ఇంకో బైక్ సంపాదిద్దాములేరా, మీ రైతే రెడీగా ఉండండి”అన్నాడు మబ్బోడు.
“ఎంది రా ఇంత సేపు పోయినావు , ఆకలి వెయ్యాలా ?” అంది శివా అమ్మ ప్లేట్ లో రాగి ముద్దా, బెండకాయ పులుసు వెస్తూ
“బాగా ఆకలిగా ఉంది, మబ్బోడు చిన్న పందెం పెట్టినాడు, అందుకే లేట్ అయింది”
“ఎం పందెం నాయనా ? ఎం చేసినారు ఏంటి?”
“ఎం లేదు నాయనా చెరువులో ఈపక్కనంచి ఆపక్కకు వెళ్లి మళ్ళీ ఈ పక్కకు రావాలి”
“అబ్బో మీ పిల్ల నాయాళ్ళ వళ్ళ ఎం అవుతుంది , అప్పుడు ఎప్పుడో మా నాయన వయస్సులో ఉన్నప్పుడు ఓ సారి ఈదాడంట, ఆ తరువాత ఎవ్వరు ఆ పని చేయల్లేదు” దిండుకు అనుకోని కళ్ళు ముసుకొన్న రంగడు.

ముసి ముసిగా నవ్వుతు రాగి సంగటి ని చిన్న ముద్దలు గా చేసి పులుసులో దొర్లించి ఆ ముద్దలు నోట్లో వేసుకోంటున్న కొడుకును చూసి “ఎం మీ నాయన ఒకడేనా అంత పోటుగాడు , నా బిడ్డ తక్కువ ఎం కాదు” అంది శివా అమ్మ.
గప్పున లేచి సరిగ్గా కుచోంటు, “శివా , నిజంగా ఈదావా ? నిజమా , చెప్పు బిడ్డా , నిజంగా ఈదినావా ఏంది?” అంటూ పట్టి పట్టి అడగ సాగాడు.
“వాడి నవ్వు చూస్తే తెలీడం లేదు , ఈదాడో లేదో , అంత డౌట్ గా ఉంటె వాని తోడూ గాళ్ళను అడుగుపో చెపుతాడు , నా బిడ్డ మనసులో ఎం ఉందొ నాకు తెలుసు” అంటూ కుండ లోని పులుసు ను గరిటతో శివా ప్లేట్ లో వేస్తూ.

“నాకు నమ్మకం లేదు , ఉండు నేను కనుక్కొని వస్తా” అంటూ తను పడుకొన్న చోట నుంచి లేచి ఊర్లో కి వెళ్ళాడు.
శివ మాట్లాడ కుండా, అమ్మ పెట్టిన ముద్ద తిని చేతులు కడుక్కొని వాళ్ళ నాయన లేచి వెళ్ళిన చాప మీద పడుకొని “ అమ్మా నాన్న పనిలోకి వెళ్ళగానే లేపు , నేను రోంచేపు పడుకుంటా” అంటూ కునుకు తీశాడు.

ఉరి మద్యలో ఓ పెద్ద వేప మాను ఉంది ఆ వేప మానుకు వెనుక ఆ ఉరి గంగమ్మ గుడి ఉంటుంది , ఆ గుడి ముందు కుచుకోవడానికి బండలు వేసి ఉంచారు. సాదారణంగా ఊర్లో ప్రజలు ఆ బండల మీద కూచొని లోకాభి రామాయణం మాట్లాడుతూ ఉంటారు , ఊర్లో రాజకీయాల దగ్గర నుంచి ప్రపంచ ఆర్థిక పరిస్తితి వరకు అక్కడ చర్చలు జరుగుతూనే ఉంటాయి.

శివా నాన్న ఇంట్లోంచి బయలు దేరి అక్కడి కి వచ్చింది అందుకే.
“ఎరా రంగా ,నీకొడుకు చెరువు ఈ పక్క నుంచి ఆ పక్కకు వెళ్లి వచ్చాడంటగా, ఏంట్రా మీ నాయన లాగా తయారు అవుతాడా ఏంటి ? కొంచెం జాగ్రతా గా చూసుకో రే”
“ఇంటికి వచ్చి వాళ్ళమ్మకు చెప్పాడు , నాకు నమ్మకం దొరక్క ఇక్కడ కొచ్చాను, నిజమా కాదో తెలుస్కోందాము అని”
“ఇప్పుడే చంద్రా చెప్పాడు , మబ్బోడు వాళ్లతో పందెం కట్టాడు అంట , వాడు అది గాడు ఉన్నాడుగా , వాడు అపక్కకు వెళ్ళాడు , ఈ పక్కకు రాలేక పోయాడంట, మీ వాడు పోయినప్పుడు ,30 నిమిషాలు పట్టింది అంట , వచ్చేటప్పుడు , 20 నిమిషాలకే వచ్చాడంట”
“నిజంగా ఈదాడంటావా అన్నా” అన్నాడు ఆశ్చర్యంగా.

“ఒరే వాడు నీ కొడుకురా , వేరే వాళ్ళు ఎవరన్నా అబద్దం చెపుతారు ఏమో, వీడు అబద్దం చెప్పడని ఊర్లో ఎవరిని అడిగినా చెపుతారు”.
“అదే రా ,అంత నిజాయితీ గా ఉంటె ఎలా బతుకుతాడో అని భయంగా ఉంది”
“ఒరే, జీవితం అంతా నేర్పిస్తుంది లేరా , మంచికి ఎప్పుడు న్యాయం జరుగుతుంది , నీ బిడ్డ వజ్రం రా , వాడికి ఎం కాదు , ధైర్యంగా ఉండు” అన్నాడు అక్కడ ఉన్న ఉరి కి పెద్దైన అప్పిరెడ్డి.

మరో 30 నిమిషాలు అక్కడ కూచొని వాళ్లతో మాట్లాడి, ఇంటికి వచ్చాడు.
శివ పడుకొని ఘాడమైన నిద్రలో ఉన్నాడు , తన భార్య ఇంట్లో పని చేసుకొంటూ ఉంది.
ఇంటికి వచ్చిన రంగడు , కొడుకును చూసి , కొడుకు కాళ్ళ దగ్గర కూచొని వాడి కాళ్ళు నొక్క సాగాడు.
“ఎంది , ఎప్పుడు లేనిది , వాడి కాళ్ళదగ్గర కూచొని వాడి కాళ్ళు నొక్కుతున్నావు”
“ఊర్లో నీ బిడ్డను గురించి ఎం మాట్లాడు కొంటున్నారో తెలుసా”
“ఎం మాట్లాడుతున్నారు ఏంటి”
“మా నాయన ఉడి పడ్డాడు అంట, మా నాయన ధైర్యం , మా నాయన చదువు , మా నాయన తెగింపు , అన్నీ మా నాయన్ని మించి పోయేలా ఉన్నాడు అంటున్నారు.”

“నీ కొడుకును తరువాత పోగుడుదువు గానీ , సాయంత్రం నీకు పని అప్పగించిన వాళ్ళు వస్తారు పనిముట్లు ఇవ్వమని అప్పుడు , వాళ్ళకు నీ కొడుకు గొప్ప గురించి చెపుతూ ఉండు సరిపోతుంది”.
వీల్ల మాటలకు అప్పుడే మెలుకవ వచ్చిన శివా “ఏంటి నాన్నా, నువ్వు కాళ్ళు పిసుకుతూ ఉన్నావు, లే పద , పని ఉంది అన్నావుగా, పద తోందరగా అవ్వకొడదాము , నాకు రేపటి నుంచి కాలేజీ ఉంటుంది” అంటూ వాళ్ళ నాన్నను లేపి కొలిమి దగ్గరకు వచ్చాడు.

ఇద్దరు కలిసి , సాయంత్రం వరకు కస్టపడి, ఇవ్వాల్సిన సామాన్ల అన్నిటిని తయారు చేశారు.
“రేపటి నుంచి నువ్వు కాలేజీకి వెళ్ళు , నేను అమ్మా చేసుకొంటాములే” అన్నాడు రంగడు.
“సరే నాన్నా, రేపు నేను మా ఫ్రెండ్స్ తో కలిసి రెండో ఆటకు సినిమాకు వెళతాము”
“అంత రాత్రి ఎలా ఎనక్కు వత్తారు”
“వాళ్ళు బైక్ లో పోదాము అన్నారు లే బైక్ లోనే ఇంటికి వస్తాములే, నేను ఊర్లోకి పోతున్నా అన్నం తినే టైం కి వస్తా” అంటూ ఊర్లోకి వెళ్ళాడు.
ఊర్లో తన స్నేహితులని కలిసి శివ , వాళ్లతో రేపు ఎ టైం కి వెళ్ళాలి అనేది ప్లాన్ చేసుకొని రాత్రి అన్నం తినే టైం కి ఇంటికి వచ్చి తిని నిద్రపోయాడు.
ఉదయం నిద్ర లేచి కాలేజీకి వెళతాడు తన స్నేహితులతో కలిసి. ఆ ఉరి నుంచి దాదాపు 15 నుంచి ఓ 20 మంది దాగా పక్కన ఉన్న టౌన్ కి రక రకాల చదువుల కోసం పోతూ ఉంటారు, కొందరు బుస్సులోను , మరి కొందరు అటో లోను , ఉన్న వాళ్ళు తమ స్వంత బైకు ల లోను వెళుతూ ఉంటారు.

శివా బస్సు పాస్ తీసుకొని బుస్స్ లో వెళుతూ వస్తు ఉంటాడు. ఆ రోజు బస్సులో చాల మంది మన వాణ్ణి చాలా మంది, స్పెషల్ గా చూస్తారు తను చేసిన ఘన కార్యం ఊర్లో అందరికే తెలుస్తుంది. వీడు మాత్రం అదేమీ పట్టించుకోకుండా తన పని తను చేసుకొంటూ పోతాడు. కొందరు తనకు కంగ్రాట్స్ చెపుతారు , మరి కొందరు వాళ్ళల్లో వాళ్ళే గోనుక్కొంటు ఉంటారు.

జీనియర్ కాలేజీలో పెద్దగా స్పోర్ట్ లేకపోయినా, సంవత్సరం చివర జరిగే పోటీల్లో శివ కుడా కొన్నింటిలో పాల్గొని తను పాల్గొన్న అన్నింటి లోనూ తప్పకుండా ఏదో ఒకటి ప్రైజ్ గెలుచుకొని వస్తు ఉంటాడు, సాదారణంగా రన్నింగ్ లోనే , లాంగ్ జంప్ , హై జంప్ లోను పాల్గోంటు ఉంటాడు.
ఆ రోజు కాలీజీ లో సర్కులర్ వచ్చింది , ఈ సంవత్సరం లో జరిగే స్పోర్ట్స్ మీట్ కు పాల్గొనే వాళ్ళు , పేర్లు ఇమ్మని మరో రెండు రోజులలో మాత్రమె టైం ఉంటుంది అని దాని సారాంశం.

శివా , తన ఫ్రెండ్స్ తో కలిసి తన పేరు కూడా ఇస్తాడు ఎప్పటి లాగే.
సాయంత్రం ఇంటికి రాగానే “నాన్నా , మీ మామ అదివారం ఉరికి రమ్మని చెప్పాడు, మనల్ని అందరినీ అక్కడ ఊర్లో గంగమ్మకు మొక్కు తీర్చు కొంటున్నారు దానికి యాటలు కొడుతూ ఉన్నారు , మనల్ని కూడా రమ్మన్నారు”
“నాన్న కూడా వస్తున్నాడా అమ్మా”
“ఏమో అడుగు” అంది పక్కనే ఉన్న మొగుణ్ణి చూస్తూ.

“నేను రాలేను లేరా , అమ్మా నువ్వు వెళ్ళండి, నాకు పనులు ఉన్నాయి లే, ఆదివారం ఉండి సోమవారం వచ్చేయండి, నీకూ కాలేజీ ఉంటుంది గా, పోయి అక్కడే ఉండి పోతారా ఏంటి”
“వచ్చేస్తాము లే, ఎందుకు ఉంటాము , మా తమ్ముడు రమ్మన్నాడని వెళుతున్నాము”
“సరే శుక్రవారం వెళ్ళండి, సోమవారం వచ్చేయండి”
“సరే నాన్నా” అంటూ శుక్రవారం వాళ్ళ అమ్మతో కలిసి తన మేన మామ ఇంటికి వెళ్ళడానికి రెడీ అయ్యాడు.
మరుసటి రోజు యదా విధిగా కాలేజీకి వెళ్ళాడు.

ఆ రోజు రాత్రి తన ఫ్రెండ్స్ తో కలిసి రెండు బైకుల రెండవ ఆటకు సినిమాకు వెళ్ళారు. వీళ్ళు వెళ్ళే సరికి మొదటి అట సినిమా అప్పుడే వదిలి నట్లు ఉన్నారు, అంతా బయటకు వస్తూ ఉన్నారు. వెళ్ళు సరిగ్గా లోపలికి వెళ్ళే సరికి అక్కడ ఎదో గొడవ జరుగుతూ ఉంది. కారు పక్కన ఇద్దరు అమ్మాయిలూ , ఓ పెద్దావిడా నిలబడి ఉన్నారు , డ్రైవర్ ఎవరితో నో మాట్లాడుతూ ఉన్నాడు , కానీ అటువైపు వాళ్ళు 6 మంది వన్ని కొట్టడానికి వచ్చినట్లు ఉన్నారు. వాడు చెప్పేది వినకుండా వాడి మీద మీదకు వస్తు ఉన్నారు. చూస్తే ఆ డ్రైవర్ వీళ్ళ ఉరి వాడే , “ఒరే మల్లేసు ఏమైంది రా , ఎవరు వాళ్ళు ఎందుకు నీ మీదకు వత్తా ఉన్నారు” అంటూ ముందుకు దూకాడు డ్రైవర్ కు వాళ్ళ మధ్యకు.

“ఎ కౌన్ రే బీచ్ మే మారో సాలె కో” అంటూ శివా మీదకు రావడానికి ముందుకు వచ్చారు.
“శివా , వాళ్ళు కావాలనే గొడవ పెట్టు కొంటున్నారు , ఇందాక థియేటర్ లో అమ్మాయి గారి సీటు మీద కాళ్ళు పెట్టారు , దానికి వాళ్ళను మేనేజర్ తో చెప్పి వార్నింగ్ ఇప్పించారు అమ్మాయి గారు , అది మనసులో పెట్టుకొని , వాళ్ళ బైక్ లు తెచ్చి కారుకు అడ్డం పెట్టి , నేను కారుతో డాష్ ఇచ్చాను అని గొడవ పెడుతూ ఉన్నారు” అన్నాడు మల్లేసు శివా వెనుక నిలబడి.

“ అన్నా , అయ్యింది ఎదో అయ్యింది, పోనీయండి , వదిలేయండి”అన్నాడు శివ
“ఏందిరా వదిలేది” అంటూ మీద మీదకు రా సాగారు , వాళ్ళు 6 మంది ఉన్నారు , అది వాళ్ళ ఉరు అని ఓ ధీమా.
“కొట్లాట వద్దన్నా మీరు వెళ్ళండి, ఒరే మల్లేసు , నువ్వు సీట్లో కుచ్చో , అత్తా నువ్వు కార్లో కుచ్చో , మీరు కూడా అన్నాడు అమ్మాయిల వైపు చూస్తూ”
“ఏందిరా , వాళ్ళను వేల్లనిచ్చేది , ముందు వీడిని వెయ్యండి రా” అంటూ బాగా దిట్టంగా ఉన్నాడు శివా మీదకు చెయ్యి ఎత్తాడు.
“అన్నా , వద్దు ఆ తరువాత బాగుండదు” అన్నాడు చేతికి చెయ్యి అడ్డం పెడుతూ.

“సాలె , నాకే అడ్డం పెడతావా” అంటూ ఇంకా రెచ్చి పోతూ బైక్ లోంచి రాడ్డు తీసి శివా మీదకు రాబోయాడు.
“శివా , ఈ నా కొడుకులు చెపితే వినర్రా , ఎయ్యి నా కొడుకుల్ని” అన్నాడు వెనుకగా బైక్ లో వచ్చి అప్పుడే పార్క్ చేస్తున్న బైక్ లోంచి కిందకు దిగిన ఆది గాడు.
వాడు విసిన రాడ్డు కు ఎడం చెయ్యి అడ్డం పెట్టి కుడి చేత్తో వాడి గుబ మీద ఒక్కటి పీకాడు శివ , ఆ దెబ్బ కు వాడు అలాగే నెలకు కరుచుకొని పోయాడు , ఓ నిమిషానికి వాడి చెవి లోంచి రక్తం కార సాగింది. వాడు కింద పడక ముందే మరు ఇద్దరు మరో వైపు నుంచి శివాను కమ్ము కొన్నారు.
వాడి గుబ మీద ఇచ్చిన చేత్తో రెండో వాడి గడ్డం కింద లాగి మేచ్చేత్తో ఒక్కటి పీకాడు, వాడి కింద పళ్ళు , పై పెదవిలో ఇరుక్కొని పోగా వాడు కింద పడి పోర్ల సాగాడు. ఈ లోపల మబ్బోడు , అదిగాడు శివాకి తోడుగా వచ్చారు ముగ్గురు కలిసి మిగిలిన నలుగుర్ని రెండు నిమిషాల్లో పడుకో పెట్టారు. ఈ లోపల మేనేజర్ వచ్చాడు “ఎంది గొడవ అంటూ” .

కారు లోంచి మల్లేసు దిగి , అక్కడ వాళ్ళు అడ్డం వచ్చిన దగ్గర నుంచీ చెప్పాడు, వేళ్ళకు లోపలే బుద్ది వచ్చింది అనుకోన్నానే “మీరు మంచి పని చేశారు అబ్బాయిలు, వీళ్ళను , నేను చూసుకుంటా , మీరు వెళ్ళండి”
“వాళ్ళు ఇప్పుడే వచ్చారు సారూ , మా ఉరి వాళ్ళు , ఇక్కడ ఈ నా కొడుకులు అమ్మగారిని కారు ఎక్కనీ కుండా ఆడ్డం పడుతూ ఉంటె మా శివా వచ్చి నాలుగు పీకాడు” అంటూ మా గురించి చెప్పాడు.

అక్కడున్న watchమెన్ ని పిలిచి “వీళ్ళకు నేను చెప్పాను అని బాల్కనీ లో కుచో పెట్టు , ఈ నా కొడుకుల్ని పంపించి వస్తా , మీరు టికెట్ కొనద్దు , నా తరపున ఈ రోజు మీకు ఫ్రీ , ఇలాంటి వాళ్ళ వళ్ళ మా కస్టమర్స్ కి ఇబ్బంది కలగొద్దు , మీరు మంచి పని చేసినారు” అంటూ అక్కడున్న సిబ్బంది తో వాళ్ళను బైటకు నెట్టి వేయమని చెప్పాడు.
“శివా, నేను పోతున్నా, వాళ్లు ఏమన్నా సినిమా అయ్యాక వాళ్ళ వాళ్లతో వత్తారేమో జాగ్రత్తగా రెండి ఇంటికి” అంటూ మల్లేసు కారును ధియేటర్ బయటకు తిప్పాడు.

శివా తన ఫ్రెండ్స్ తో కలిసి సినిమాకు వెళ్ళాడు. “ఒర్ మబ్బోడా , నీ డబ్బులు మిగిలిచ్చాడు శివా , వాటితో కావలసినవి కొనుక్కొని రాపో” అంటూ లోపలికి వెళ్ళగానే వాణ్ని బయటకు తరిమారు అందరు కలిసి. సినిమా చూసి , మబ్బోని జేబులు ఖాళీ చేయింది రాత్రి 2 కి ఇంటికి చేరుకొన్నారు.
మరుసటి రోజు లేట్ గా లేవడం వల్ల కాలేజీకి వెళ్ళలేక పోయాడు. వర్షాలు దండిగా కురవడం వల్ల అందరు పొలాలు రెడీ చేసుకొన్నారు విత్తనాలకు వేయడానికి. కానీ కొండ దగ్గర ఉండడం వల్ల పందుల బెడద ఎక్కువగా ఉంటుంది . పంటలు వేయడానికి ముందు ఊరంతా కలిసి డప్పులతో పందులను బెదిరిస్తూ, వాటి ని వేటాడతారు, రెండు నెలలకు ఓ సారి జరుగుతూ ఉంటుంది ఈ వేట పంటలుకోసి ఇంటికి చేర్చెంత వరకు. ఆ తరువాత తిరిగి పంటలు వేసేంత వరకు వాటి జోలికి వెళ్లరు.
​