Update 01

లవ్ ఎట్ ఫస్ట్ సైట్..​

పొద్దున్న..

నా పేరు సాయికృష్ణ.. ఈరోజే సిటీ కి వచ్చా.. తల్లి తండ్రి చిన్నప్పుడే పోయారు.. ఇంత కాలం వూళ్ళో మా మేనమామ ఇంట్లో ఉండి చదువుకున్నాం నేను మా చెల్లి...

కొంచెం పెద్దవాణ్ణి అయ్యా కదా ఎదో పని చేసుకుంటూ చదువుకుందాం అని ఇందాకే బస్సు దిగి.. డిగ్రీ కాలేజీ లో అడ్మిషన్ కోసం వచ్చా.. మొదటి రోజు.. ఇంకా ఎక్కువ మంది రాలేదు.. క్లాస్ కి వెళ్లి ఎక్కడ కూర్చోవాలో చూసుకుని కాసెపుండి వచ్చేసా..

కాలేజీ పూర్తయ్యాక దగ్గర్లో ఒక హాస్టల్ చూసుకొని పని కోసం రోడ్డున పడ్డా..

ఇంత కాలం మావయ్య సాయం చేసాడు.. మరీ ప్రైవేట్ కాలేజ్స్ లో ఫీజులు కట్టకపోయిన తిండి బట్ట ఇచ్చాడుగా.. ఎంత కాలం అని ఆయన్ని ఇబ్బంది పెట్టడం.. చెల్లి కి కూడా పెళ్లి చెయ్యాలి.. ఇప్పటినుంచే దాచాలి..

వెతగ్గా ఆలోచించగా క్యాబ్ డ్రైవింగ్ ఐతే నచ్చినప్పుడు పని చేసుకోవచ్చు, రాత్రి పూట పని చేసుకోవచ్చు, దొబ్బడానికి పైన ఎవడు ఉండడు కాబట్టి.. అదే మనకు సూట్ అయ్యే పని అని డిసైడ్ అయ్యి..

ఆప్ ఇన్స్టాల్ చేసి క్యాబ్ డ్రైవర్ పోస్ట్లు వెతగ్గా.. ఒక అన్న ఈరోజే పనిలో జాయిన్ అవ్వమన్నాడు.. క్యాబ్ అతనిది.. డ్రైవింగ్ మనది.. ఖర్చులు పోను షేర్ చేసుకుందాం అన్నాడు..

ఓ కొబ్బరికాయ కొనుక్కొని లొకేషన్ కి వెళ్లి తాళాలు తీసుకొని చిన్న పూజ చేసుకొని లాగిన్ చేశా...

సాయంత్రం..

ఇప్పటికి రెండు ట్రిప్ లు కొట్టా.. అయ్యబాబోయ్ హైదరాబాద్ ట్రాఫిక్ మామూలుగా లేదు.. కాసేపు ఏదోటి తినేసి మళ్ళీ లాగిన్ అవుదాం అనుకుంటూ ఉండగా బుకింగ్ వచ్చింది..

మొదటి రోజే కదా క్యాన్సిల్ కొట్టబుద్ధి కాలేదు.. ఎక్కడో మూడు కిలో మీటర్లు లోపల లోపల సందులు తిరిగితే 20 నిముషాలకి లొకేషన్ కి వెళ్ళా..

నెమలిపింఛం రంగు చీర..గులాబీ రంగు జాకెట్టు..జడలో మల్లెపూల రంగు మల్లెపూలు... నుదుటిన కుంకుమ బొట్టుతో.. కళ్ళతోనే మాట్లాడుతూ నవ్వితే బుగ్గలు కందిపోతాయేమో అన్నట్టు చిరు మందహాసం చేస్తూ ఉందొ వయ్యారి భామ..

తనని చూసి మైమరచిపోతూ అక్కడే పక్కకి ఆగి తననే చూస్తూ ఉండిపోయా కస్టమర్ కి కాల్ చెయ్యకుండా..

ఈలోపు ఇదిగో ఇక్కడ ఉన్నా అన్నట్టు చెయ్యెత్తి పిలుస్తోంది.. నన్నేనా.. ఓహ్ క్యాబ్ నెంబర్ చూసి గుర్తు పట్టినట్టు ఉంది.. తనేనా క్యాబ్ బుక్ చేసింది..వాహ్..

ముందు కూర్చుంటే బావుండు.. ఎంతో ఆశ పడ్డా..

ప్రంపంచంలో ఉండే మగాళ్లతో తనకి పని లేనట్టు వెనక డోర్ తీసుకొని లొకేషన్ ఉందిగా.. చెప్పాలా అంది..

ఓటీపీ అడిగి ఎంటర్ చేసాక లొకేషన్ కంఫర్మ్ చేసుకున్నా.. హా అక్కడికే అంది..

కార్ రివర్స్ చేసి, ముందుకు పోతూ తనని ఓసారి అద్దంలో చూసా.. అప్పటికే ఇయర్ ఫోన్స్ పెట్టుకుని పాటల్లో మునిగిపోయింది..

మళ్ళీ చూస్తే ఇదివరకు తనని చాల సార్లు చూసా అన్న ఫీలింగ్.. అప్పుడే తన మొహం అంత అలవాటు అయిపోయిందా అనిపించింది..

పరుగు మూవీలో అల్లు అర్జున్ చెప్పినట్టు.. తనకి తెలీకుండానే తను నాకు ఎంతో ఆనందాన్ని ఇస్తోంది.. ఇదేనా లవ్ ఎట్ ఫస్ట్ సైట్ అంటే..

ఆకలి ఏటో పోయింది.. ట్రాఫిక్ ఇంకా ఉంటె బావుండు అనిపించింది.. తనని ఇంకా ఎక్కువ సేపు చూడొచ్చు కదా..

కార్లు తిరగలేని ఇరుకు సందుల్లోంచి కార్ రేస్లు చేసుకునే వాళ్ళు ఉండే ఏరియా లోకి వచ్చేసాం.. ఒక్కో విల్లా ఒక్కో ఇంద్ర భవనం లా ఉంది..

ఇంతలో.. తనకి కాల్ వస్తే పక్కనే ఉన్నా 2 మినిట్స్ అని చెప్పింది.. మళ్ళీ ఆకలి మొదలైంది.. తలలో గుండెల్లో కడుపులో ఎదో వెలితి.. ఎంప్టీ అయిపోయిన ఫీలింగ్..

తను అమౌంట్ ట్రాన్స్ఫర్ చేసి.. ఒక 2 హౌర్స్ వెయిట్ చేస్తావా.. మళ్ళీ అక్కడికే వెళ్ళాలి.. నైట్ ఈ ఏరియా లో క్యాబ్స్ దొరకడం కష్టం అంది..

అంత కంటే అదృష్టమా అని మనసులో అనుకోని.. ఏదైనా తినేసి వచ్చి ఇక్కడే వెయిట్ చేస్తా అని చెప్పా.. తను అలా గేట్ తీసుకొని వయ్యారంగా నడుస్తూ వెళ్ళిపోయింది..

బిల్డింగ్ పైనంతా హడావిడి మ్యూజిక్ బా సందడిగా ఉంది.. ఎదో బర్త్డే పార్టీ లా ఉంది.. ఎంతైనా డబ్బున్న వాళ్ళ ఖర్చులే వేరు..

మళ్ళీ తనని ఇంకో రెండు గంటల్లో చూడొచ్చనే ఆనందంలో.. ఎం తిన్నానో ఎంత తిన్నానో కూడా చూసుకోకుండా మళ్ళీ తనని దింపిన ప్లేస్ కి వచ్చి వెయిట్ చేశా..

రాత్రి కూడా సరిగ్గా నిద్రపోలేదేమో ఫోన్ చూస్తుండగానే నిద్ర పట్టేసింది..

గట్టిగా డోర్ కొట్టిన సౌండ్ తో మెలకువ వచ్చింది.. కలా.. నిద్ర మత్తులో ఉన్నానా.. తనని చూడగానే షాక్ అవ్వాలా ఇంకేమనాలో కూడా అర్ధం కాలేదు..

మల్లెపూలు రాలిపోయి.. పెదవులు కందిపోయి.. చీర నలిగిపోయి.. సైలెంట్ గా ఎక్కి వెళ్దాం పద అంది..

ఏమని అడగాలో మైండ్ ప్రిపేర్ అవుతుండగా చూసింది చాలు వెళ్దాం పద అంది..

కార్ స్టార్ట్ చేసి ఏమైనా మాట్లాడడం అనుకుంటూ ఉండగానే తను ఎవరికో ఫోన్ చేసి..

హా అత్తా.. బయలుదేరా.. రేపు కూడా రమ్మంటున్నారు.. నైట్ అంతా ఉండాలిట.. నీతో మాట్లాడమని చెప్పా..

అవతల నుంచి వెళ్తావా అని అడిగినట్టుంది.. నీ ఇష్టం అత్తా.. ముగ్గురు ఉన్నారు చూసి మాట్లాడు అని ఫోన్ పెట్టేసి కళ్ళు మూసుకొని తల వెనక్కి వాల్చి పడుకుంది..

విషయం అర్ధం ఐంది కానీ సరిగ్గా విన్నానో లేదో అని నా మీద నాకే డౌట్ వచ్చింది..

ఇప్పుడు తనని చూస్తుంటే చెదిరిన ముంగురులు చాటున ఇందాక చూసిన అదే అమాయకపు ముఖం వెనకాల ఇలాంటి ఒక భయంకరమైన నిజం ఉంటుందని ఎక్సపెక్ట్ చెయ్యలేదు..

చేతులు కాళ్ళు వాటి పని అవి చేసుకు పోతున్నాయి.. లొకేషన్ రీచ్ అయ్యా.. తనని లేపబుద్ధి కాలేదు.. కార్ పక్కకి పెట్టి.. అద్దంలో తన మొహాన్ని చూస్తూ అలాగే నిద్రపోయా..

కాసేపటికి భుజం మీద చిన్న కుదుపు.. సడన్ గా లేచి చూస్తే.. వచ్చాక చెప్పవా అంటూ.. కార్ దిగి ఎంతైంది అంది..

ఇందాకటి అంతే అన్నా.. రౌండ్ ఫిగర్ చేసి ఇస్తూ నైట్ ఎక్కువ ఛార్జ్ చేస్తారులే.. ఉంచుకో అంటూ.. రాత్రి మూడైన ఇంకా లైట్స్ వెలుగుతున్న మూడంతస్తుల బిల్డింగ్ లోకి గేట్ తీసుకొని వెళ్ళిపోయింది..

తనని మళ్ళీ చూడాలని పించింది.. చేతిలో తను ఇచ్చిన డబ్బులు అలాగే ఉన్నాయ్.. గంటకి ఎంతో..

తనని మళ్ళీ చూడాలని పించింది.. చేతిలో తను ఇచ్చిన డబ్బులు అలాగే ఉన్నాయ్.. గంటకి ఎంతో..

వెళ్తా.. చూస్తా.. కానీ ఎం మాట్లాడాలి.. ఎదో పిచ్చి ధైర్యం.. కార్ లాక్ చేసి బిల్డింగ్ మెయిన్ గేట్ ఓపెన్ చేస్తే.. లోపల మెట్ల పక్కన కుర్చీలో కూర్చుని కాళ్ళు టేబుల్ మీద పెట్టి ఫోన్ చూసుకుంటున్నాడో మధ్యవయసు మనిషి..

ఎవరి కోసం అన్నాడు..

ఇందాక వెళ్లిన అమ్మాయి కోసం అన్నా..

ఓహ్.. స్పెషల్ బుకింగ్ ఆ.. పేమెంట్ రిసిప్ట్ చూపించమన్నాడు..

లేదు ఇప్పుడు పే చేస్తా అన్నా..

సరే ఒక్కసారికి లేదా గంటకి 14,000 అన్నాడు..

14 వేలా..

ఎం లేవా అని విసుక్కుంటూ బయటకి పొమ్మన్నాడు..

14 వేలా.. ఇంత కాస్టలీ ఫిగర్ ఆ.. బుర్ర తిరిగిపోయింది.. ఇంకా ఈ పూటకి షాక్ లు తినే ఓపిక లేదు.. పొద్దున్నే కాలేజీ కి వెళ్ళాలి..

ఆప్ ఆఫ్ చేసి హాస్టల్ కి వచ్చి పడుకున్నా..ఇంకా నిద్ర పట్టట్లేదు.. తను నాకు ఇంకా ఆనందాన్ని ఇస్తోందా..

పొద్దున్న..

నాపేరు వర్ష.. చిన్నప్పటినుంచి అదే పేరు... ఇక్కడకి 10 కిలో మీటర్ల దూరంలో వున్న కాలేజీలో డిగ్రీ చదవాలి.. ఈరోజే జాయినింగ్..

మా రత్తమ్మ అత్త ఉందే.. చాల మంచిది.. నాలాంటి అనాధల్ని చాల మందిని చదివిస్తోంది.. రాష్ట్రంలో మూల మూలల్లో ఉన్న ఆశ్రమాలకు లక్షల్లో డొనేట్ చేస్తూ ఉంటుంది..

నేను కూడా పెద్దయ్యాక తనలా సేవ చేస్తూ గడపాలని నా ఆశ.. అందుకే పొద్దున్న నిద్ర లేచి రాత్రి ఒంటికి అంటుకున్న మురికినంత కడుక్కుని.. తలారా స్నానం చేసి.. దేవత లాంటి మా అత్త కి దణ్ణం పెట్టి కాలేజీ కి బయలు దేరా..

పింక్ కలర్ పంజాబీ డ్రెస్ లో క్రాస్ గా వేసిన చున్నీ ని నడుము పక్క ముడి వేసి మెట్లు దిగుతుంటే మా ఫ్రెండ్స్ అంతా ఓఓఓ అంటూ అరుపులు..

నాకో చిన్న స్కూటీ ఉంది.. మెల్లిగా వెళ్లేసరికి ఒక 10 నిముషాలు లేట్ అయింది.. క్లాస్ లోకి ఎంటర్ అవ్వగానే...ఆడ మగ అందరి చూపు నా మీదే..

నా పక్కన కూర్చో అంటే నా పక్కన కూర్చో అన్నట్టు అందరు వాళ్ళ బెంచ్ మీద ప్లేస్ ఇస్తున్నారు..

ఈలోపు సడన్ గా నా చూపు నిన్న నైట్ వచ్చిన క్యాబ్ డ్రైవర్ మీద ఆగిపోయింది..

వాట్.. ఇతను కూడా మా కాలేజీ ఏనా.. చప్పున వెనక్కి తిరిగి 2nd బెంచ్ లో కూర్చుండిపోయా..

దేవుడా.. నన్ను గుర్తు పట్టేసాడా..

వర్ష... అంత టెన్షన్ పడకు.. క్లాసెస్ అవ్వగానే పరుగో పరుగు.. మధ్యలో మాట్లాడేంత టైం ఎక్కడ దొరుకుతుంది..

ఈలోపు లెక్చరర్ వచ్చి అందర్నీ పరిచయం చేసుకోమంటున్నాడు.. ముందు ఎక్కడ చదివాం.. మా గోల్స్ ఏంటి. మా గోల ఏంటి అంటూ..

లేడీస్ ఫస్ట్ అంటూ మా చేతే మొదలుపెట్టించాడు అయన..

ఇక తప్పదుగా.. నా టర్న్ వచ్చేసరికి.. వర్ష అంటూ నా పురాణం చెప్పాల్సినంత మాత్రం చెప్పి కూర్చున్న..

తను నాకేసి చూస్తున్నాడో లేదో చూడాలని పించింది..

అబ్బాయిలు వాళ్ళ ఇంట్రో మొదలు పెట్టగానే టక్కున ఒక్క క్షణం తల తిప్పి అతన్ని చూసి మళ్ళీ తల ఇటు తిప్పేసా..

నేను చూసినప్పుడు నన్ను చూడట్లేదు కానీ నేను తల తిప్పినట్టు తెలిసి నా వైపు తిరిగినట్టు అనిపించింది..

అయినా రాత్రి వున్న ధైర్యం పగలు లేకపోతె ఎలా.. అయినా ఉంటె మాత్రం చూడాలా ఏంటి.. లైట్ తీస్కో.. అనుకోని.. కాసేపు క్లాసులు వింటే కాసేపు బ్రేక్ ఇచ్చారు..

నేనేదో నా మానాన క్రిందటి సంవత్సరం స్టూడెంట్స్ బల్ల మీద చెక్కిన పేర్లని చదువుకుంటుంటే పక్కన అమ్మాయి కాంటీన్ కి వెళ్దామా అంది..

హ అంటూ లేచా.. చూడకూడదు అనుకుంటూనే మళ్ళీ తల తిప్పి తనని చూసి కళ్లు తిప్పేసా.. చూసేసాడు.. నేను చూస్తున్న అని చూసేసాడు.. అనుకున్నంతా అయ్యింది..

పులిహోర కలపడానికి నేనే పెద్ద గరిటె ఇచ్చినట్టు ఇచ్ఛా అవకాశం.. వాణ్ణి ఎలా తరిమెయ్యాలా అని మనసులో ప్రాక్టీస్ చేసుకుంటూ ఉండగా పదా... అంటూ నా పక్క అమ్మాయి నన్ను లాక్కుపోయింది..

ఛ.. కాలేజీ 1st డే అంటే ఎంత ఎంజాయ్ చెయ్యాల్సిన రోజు.. మూడు పాడు చేసుకోకు వర్షా అని మనసుకి నచ్చచెప్పి.. కొత్త ఫ్రెండ్స్ ని చేసుకునే పనిలో పడ్డా..

తర్వాత క్లాసులు.. అవి మామూలే.. కాలేజీ వదిలి.. స్కూటీ దగ్గరకి వచ్చి బండి వెనక్కి తియ్యగానే.. ఎదురుగా వచ్చి నిలబడ్డాడు.. అదే అతనే.. పొద్దున్న ఎదో పేరు చెప్పాడు.. హ..సాయి..

సాయి - నీతో కొంచెం మాట్లాడాలి..

నేను - నాకు పనుంది..

సాయి - తెలుసు..

నాకు కోపం వచ్చింది.. నేను ఏ పని చేస్తానో తెలిసే వెటకారం చేస్తున్నాడా.. బండి స్టార్ట్ చేశా..

ప్లీజ్ ఒక్క 10 నిముషాలు.. అంటూ హేండిల్ మీద చెయ్యి వేశాడు.. కోపంగా ఒక్కసారి చూడగానే చెయ్యి తీసేసి ఒక్క అడుగు వెనక్కి వేసాడు...

రేపు మాట్లాడదాం అంటూ బండి స్టార్ట్ చేసి.. ఇంటికి వచ్చేసా..

ఒకే కాలేజీ.. రోజూ చూడాల్సిన మొహమే కదా.. రేపు మాట్లాడతా.. అనుకుని పొద్దున్నించి అందాలని బంధించిన చున్నీ పక్కన పడేసి.. సింక్ దగ్గర టాప్ ఆన్ చేసి చల్లని నీళ్ళని దోసిలి నిండా పట్టి మొహం నిండా రాసుకుంటే.. ప్రాణాలు మళ్ళీ తిరిగివచ్చాయ్..

ఈలోపు అత్త వచ్చింది.. కాలేజీ ఎలా ఉంది అని..

బావుంది అత్త.. థాంక్స్ అన్నా..

థాంక్స్ ఏంటే పిచ్చిదాన.. మేమె నీకు థాంక్స్ చెప్పాలి.. నువ్వంటే కుర్రాళ్ళు పడి చచ్చిపోతున్నారు.. డబ్బే డబ్బు.. ఇక్కడ వున్న అమ్మాయిలంతా ఒక ఎత్తు నువ్వొక్కదానివే ఒక ఎత్తు.. సరే రెస్ట్ తీస్కో.. మళ్ళీ రాత్రంతా నిద్ర వుండదు..

నిన్న వాళ్లేనా అత్తా..

అవును.. నైట్ మొత్తానికి లక్ష..

వావ్.. రానీ అత్తా.. ఎంత డబ్బు వస్తుందో రానీ..

మరి ఒకేసారి ముగ్గురంటే పర్లేదా.. అంది అత్త..

పర్లేదత్త.. లక్ష రూపాయలంటే ఏడుగురి జీవితాలు.. నా ఒక్క రాత్రి చీకటి ఏడుగురికి వెలుగునిస్తే ఆ మజా ఏ వేరత్తా..

పిచ్చి పిల్ల.. సరే పడుకో.. 8 కి లేపుతా..

సాయంత్రం..

లేచాక రాత్రికి కట్టుకునే కోక రైక పక్కన పెట్టి బాత్రూం లోకి దూరా.. మళ్ళీ గుర్తొచ్చాడు వాడు.. అదే సాయి.. అసలు రాత్రే వాడి కళ్ళలో వంద ప్రశ్నలు..

ఇక్కడ దాక వచ్చి కూడా నన్ను లేపకుండా వాడూ పడుకున్నాడు..మామూలుగా ఐతే లేపి డబ్బులు తీసుకు వెళ్ళిపోవాలి కదా.. ఏంటో.. అయినా రేపు మాట్లాడదాం అన్నా కదా.. రేపటి సంగతి రేపు అని..

టవల్ చుట్టి బయటకి వచ్చా.. ఎవరో మంత్రి కొడుకు వచ్చాడట.. మంచి హడావిడిగా ఉంది బిల్డింగ్ అంతా.. ఈలోపు అత్త వచ్చి.. ఒసేయ్ ఎక్కువ రెడీ కాకు.. మంత్రి కొడుకు నిన్ను చూసి నువ్వు కావాలంటే అదో గొడవ.. త్వరగా ఎదో ఒక బట్టలు వేసుకొని బయటకెళ్ళు ముందు అంది..

సర్లే.. అనుకుంటూ చేతికి అందిన ఓ పిచ్చి డ్రెస్ వేసుకొని చీర బాగ్ లో సద్ది సైలెంట్ గా కిందకి వచ్చేసా.. అక్కడ నుంచి క్యాబ్ బుక్ చేసే టైం ఇవ్వలేదు అత్త.. వెళ్ళు త్వరగా అని తరిమేసింది..

ఇక తప్పదు అని ఎదురుగ కనపడ్డ క్యాబ్ ఎక్కి బాచుపల్లి వస్తావా అని అడిగా..

ఓహ్ షిట్.. మళ్ళీ వాడే సాయి... నేను క్యాబ్ బుక్ చేస్తే వాడికే బుక్ అవుతుందని ఇక్కడే వెయిట్ చేస్తున్నట్టు ఉన్నాడు.. ఇప్పుడెలా..​
Next page: Update 02