Update 56

SECOND MISSION

అది వైజాగ్ శివారుప్రాంతం . ప్రభుత్వం పట్టాభూమిలో ప్రభుత్వమే నిర్మించిన చిన్న గృహం . ఆ చిన్న ఇంటిలో మోతాదుకు మించిన బుజ్జి దేవుడి బిడ్డలు ( అనాధ పాపాయిలు ) - వారిని తన స్థాయికి మించి ఆప్యాయంగా చూసుకునే అవ్వ . చెత్త కుప్పలలో - ముళ్ల పొదలలో తల్లులకు ఇష్టం లేకుండా , పెళ్లికాకుండానే కనడం వలన భువిపైకి చేరిన బిడ్డలను తన ఒడిలోకి చేర్చుకుని , దేవతలు ....... తనకు అందించిన అదృష్టం అని ఆ వయసులోకూడా పలు ఇళ్లల్లో పనులు చేసి - కొంతమంది జాలిపడి దానం చేసిన డబ్బు , గింజలతోనే వారి ఆకలి తీర్చేది . బుజ్జిపాపాయిల చిరునవ్వులలోనే ఆకలి తీర్చుకుని రోజుకు ఒక్కపూట ఒక్కొక్కసారి ఆ అవకాశం కూడా లభించకపోయినా నీళ్లే మహాప్రసాదంలా స్వీకరించేది .

15 సంవత్సరాల క్రితం ఒక అర్ధరాత్రి అప్పుడేపుట్టిన బుజ్జాయి ఏడుపులు వినిపించడంతో మెలకువ వచ్చిన అవ్వ , చుట్టుప్రక్కల ఇళ్లల్లో గర్భవతులు ఎవ్వరూ లేరే , ఎక్కడ నుండి బిడ్డ ఏడుపులు ఎక్కడ ఎక్కడ అంటూ బయటకువచ్చింది . ఇంటి ప్రక్కనే ఉన్న ముళ్లపొదలలో ఏడుస్తున్న నన్నుచూసి చలించిన హృదయంతో గుండెలపైకి తీసుకుని మొదలుపెట్టిన ప్రయాణం ఇప్పటికీ కొనసాగిస్తోంది అవ్వ .
లాలిస్తూ - ముద్దులతో జోకొడుతూ ఇంటికి తీసుకొచ్చి స్నానం చేయించి గుచ్చుకున్న గాయాలకు వెన్నరాసి పొత్తిళ్లలో వెచ్చగా పడుకోబెట్టి పాలసీసాతో పాలు తాగించి లాలించింది .

అమ్మా దుర్గమ్మా ........ అనాధలానే పుట్టి అనాధలానే నేను పోకుండా , నాకు తోడుగా ఈ బుజ్జాయిని పంపించావా తల్లీ , కోన ఊపిరితో కొట్టుమిట్టాడుతున్న ఈ ముసలిప్రాణానికి ఒక బాధ్యత అందించావా , నువ్వు కోరుకున్నట్లుగానే నా ఒంట్లో ప్రాణం ఉన్నంతవరకూ జాగ్రత్తగా చూసుకుంటాను అని మురిసిపోయింది . అప్పటివరకూ బిక్కుబిక్కుమంటున్న ముసలి అవ్వ ప్రాణంలో ఉత్సాహం వచ్చింది. నాకు మహేష్ అని నామకరణం చేసి తనతో ఉన్న కొద్దిపాటి డబ్బుతో నా అవసరాలను తీర్చి పెంచింది . నా ఐదవ ఏట బడిలో చేర్పించింది .

నా వయసు ఇప్పుడు 15 సంవత్సరాలు - సిటీలోని govt కాలేజ్లో 10 వ తరగతి చదువుతున్నాను . ఒకరోజు నేను కాలేజ్ నుండి వచ్చే సమయానికి అవ్వ చిరునవ్వులు చిందిస్తూ ఇద్దరు బుజ్జిపాపాయిలను ఊయలలో లాలిస్తోంది .
అవ్వా ........ అంటూ సంతోషంతో వెళ్లి ఆడించాను . అవ్వా ....... ఎవరు ఈ బుజ్జాయిలు ? .
అవ్వ : 15 సంవత్సరాల క్రితం నీలానే నా దగ్గరకు చేరిన దేవుడి బిడ్డలు మహేష్ . పని నుండి వస్తుండగా హాస్పిటల్ వెనుక ఏడుపులు వినిపించడంతో చూస్తే ఈ బుజ్జాయిలు . జనాలు అటూ ఇటూ వెళుతున్నారుకానీ ఎవ్వరూ పట్టించుకోవడం లేదు .
ఎంత ముద్దొస్తున్నారు అవ్వా ....... , ఈరోజు నుండీ నేనే ఆడిస్తాను అని ముద్దులుపెట్టాను . ఆరోజు నుండీ కొన్నిరోజుల్లో 10 మందిదాకా బుజ్జిపాపాయిలు మా చెంత చేరారు . మా వీధి చివరన ఉంటున్న ఒక ఇంటిలో వ్యక్తికి పెళ్లికాగానే భార్య మాటలు విని ముసలి వయసులో ఉన్న తల్లిని బయటకు గెంటెయ్యడం వలన ఏమీ చేయలేక ఎటు వెళ్ళాలో పాలుపోక చెట్టుకింద బాధపడుతున్న అవ్వను బుజ్జిపాపాయిలను చూసుకోవడానికి తోడుగా తీసుకొచ్చారు అవ్వ .
అవ్వ పనిచెయ్యడం వలన లభించే డబ్బులు బుజ్జిపాపాయిల పాలకే సరిపోక అవ్వలిద్దరూ రోజుకు ఒకే పూటతో సర్దుకునేవారు .
ఆరోజు నుండీ మా కాలేజ్లో పెట్టే మధ్యాహ్నం భోజనాన్ని తినకుండా తీసుకొచ్చి అవ్వలకు అందించేవాడిని .
అవ్వలిద్దరూ కళ్ళల్లో చెమ్మలతో నాకు వడ్డించి మిగిలినది తినేవారు . అలా కొన్నిరోజులు భారంగానే గడిచాయి - అనాధ పిల్లలు మరికొంతమంది చేరడంతో మరింత కష్టమయ్యింది .

అవ్వల మంచితనం తెలిసిన ప్రక్కింటి ఆమె , తాను ఫారిన్ లో ఉన్న తన కొడుకు దగ్గరికి వెళ్లిపోతున్నాను , ఇక మళ్లీ రావడం కుదరదేమో ఈ ఇంటిని కూడా మీరే తీసుకోండి , ఇంటితోపాటు వస్తువులు - కొన్ని నెలలకు సరిపడు ధాన్యాన్ని - పెద్ద మొత్తంలో డబ్బును అందించారు .
అవ్వలతోపాటు నేను , పిల్లలు ........ చాలా సంతోషం అని దండం పెట్టాము .
ఆమె : ఇంతమంది పిల్లలు - పాపాయిలలో వెలుగులు నింపుతున్నారు . నా వంతు చేతనైన సహాయం - మీ దీవెనలు వలన నా కుటుంబం అక్కడ సంతోషంగా ఉంటుందన్న ఆశ అని ఇంటి తాళాలు అందించి వెళ్లిపోయారు .

అవ్వల ఆనందాలకు అవధులు లేకుండాపోయాయి . మహేష్ ........ కొన్ని నెలలవరకూ మనం దిగులుచెందాల్సిన అవసరం లేదు .
అవ్వలూ ......... నేను ఒక నిర్ణయానికి వచ్చాను . నన్ను ఏ లోటూ లేకుండా పెంచారు ఇంత వయసు వచ్చాక కూడా ఇక్కడే ఉండి నా ప్రాణమైన వారికి భారం అవ్వడం మంచిదికాదు - నన్ను చేరదీసి ఇంతవాణ్ణి చేశారు లోకం తెలియజేసారు . నేను ఇక్కడ నుండి వెళ్ళిపోయి చదువుకుంటూనే నా వంతు కష్టపడి పనిచేస్తూ మీకు సహాయపడాలనుకుంటున్నాను - నేను వెళితే ఈ ధాన్యాన్ని మరికొంతకాలం మీరు తినవచ్చు - నేను ఎక్కడ ఉన్నా నా ప్రాణం మాత్రం ఇక్కడే ఉంటుంది .
అవ్వలు : మహేష్ అంటూ హత్తుకున్నారు . ప్రతీ క్షణం మా గురించే పిల్లల గురించే ఆలోచించావు . వెళ్లు నాన్నా వెళ్లు ఇకనుండీ నీకోసం జీవించు అని సంతోషంతో దీవించారు .
అవ్వలూ ......... చెప్పానుకదా నా ప్రాణం ఇక్కడే ఉంటుంది . మీ - పిల్లలు - పాపాయిల సంతోషమే నా సంతోషం అని బుక్స్ - బట్టలు మూట కట్టుకున్నాను .
అవ్వలు : నాన్నా ....... అని డబ్బు ఇచ్చారు .
అవ్వలూ ........ నేను వెళుతున్నది నా ప్రాణమైన వాళ్లకు సహాయం చెయ్యడం కోసం - మీరుప్రార్థించే దుర్గమ్మే నాకు దారి చూయిస్తుంది - కాలేజ్లో మూడు పూటలకూ సరిపడినంత తింటాను కదా నా గురించి ఆలోచించకండి అని డబ్బును వెనక్కు ఇచ్చేసి జీవన ప్రయాణం మొదలెట్టాను .

మూటతోనే కాలేజ్ కు చేరుకున్నాను - ఆకలివేస్తున్నా శ్రద్ధతో క్లాసెస్ విన్నాను - భోజనం గంట మ్రోగగానే అన్నం పప్పు వడ్డించుకుని ఒకచోట కూర్చున్నాను - తొలిముద్ద తింటూ అవ్వలను గుర్తుకుతెచ్చుకుని కన్నీళ్ళతో , అమ్మా దుర్గమ్మా ........ ఈ అన్నం నాకు లేకపోయినా నా ప్రాణమైనవాళ్లకు ఉండేలా చూడు అని ప్రార్థించి , అన్నం పరబ్రహ్మస్వరూపంలా స్వీకరించి కన్నీళ్లను తుడుచుకున్నాను .
మధ్యాహ్నం కూడా క్లాసెస్ శ్రద్ధగా విన్నాను - కాలేజ్ బెల్ మ్రోగగానే రోజూలా నాకు తెలియకుండానే అడుగులు ఇంటివైపుపడ్డాయి . కన్నీళ్ళతోనే ఇంటికి వ్యతిరేకదిశలో నడక సాగించాను . ఒకరోజు బస్ స్టాండ్ లో మరొకరోజు రైల్వేస్టేషన్ లో పనికోసం వెతికినా ప్రయోజనం లేక ( పిల్లలను పనిలో పెట్టుకోము మమ్మల్ని జైల్లో పెడతారు ) అక్కడే పడుకుని అక్కడే ఫ్రెష్ అయ్యి కాలేజ్ కు వెళ్ళాను .

ఆ తరువాతిరోజు ఆదివారం అని తెలియక కాలేజ్ కు వెళితే లాక్ చేసి ఉండటం వలన తెలిసి సిటీలోని షాప్స్ లలో పనికోసం వెతికీ వెతికి అలసిపోయాను . ఇలాకాదుకానీ అవ్వలా ....... ఇళ్లల్లో పని దొరుకుతుందేమోనని ఒక ఇంటికి వెళ్లి లోపల ఉన్న అన్నను అడిగాను .
బాబూ ........ ఇక్కడ ఉన్నవన్నీ చిన్న చిన్న ఇల్లులు , మేము కూడా పనిచేసుకుని జీవనం సాగించేవాళ్ళము , అలాంటివాళ్ళము నీకు పని ఎలా ఇవ్వగలం చెప్పు - ఒక పనిచెయ్యి ఇలాగే కొద్దిదూరం వెళితే అక్కడ govt ఆఫీసర్స్ - బిజినెస్ మెన్స్ - డాక్టర్స్ .......... ఉంటున్న costly ఏరియా ఉంది - మాలో చాలామంది అక్కడే పనిచేస్తున్నాము , బాగా డబ్బు - మిగిలిన మంచి ఫుడ్ ఇస్తారు , నీకు అదృష్టం ఉంటే పని దొరకవచ్చు .
మధ్యాహ్నం రెండు గంటలు , ఎండ ఎక్కువగానే ఉంది , ఉదయం నుండీ ఏమీ తినలేదు , కళ్ళు మూతలుపడుతున్నాయి , పెదాలు తడి ఆరిపోతున్నాయి . ఎదురుగా ట్యాప్ లో నీళ్లు వస్తుండటం చూసి , అన్నకు థాంక్స్ చెప్పివెళ్లి కడుపునిండా నీళ్లుతాగి ముఖం కడుక్కోవడంతో కాస్త అక్టీవ్ అయ్యాను . ఆ అన్న చెప్పినట్లుగానే అటువైపుకు నడిచాను .

అంత ఎండ - సిటీ పొల్యూషన్ లో ఎంత నడిచినా costly ఏరియా కనిపించకపోవడంతో నీరసం - మైకం కమ్మి ఒకానొక క్షణంలో ఇంటికి వెళ్లిపోదాము అనిపించింది . నేను లేకపోవడం వలన పిల్లలకు స్పేస్ మరియు ఫుడ్ మరికొన్నిరోజులకు సరిపోతుంది , వెనక్కు వెళ్లి ఆ డ్రీమ్ ను వాళ్లనుండి దూరం చెయ్యడం మంచిదికాదు అని నీళ్లు తాగి దైవాన్ని తలుచుకుని మరికొంత దూరం నడిచాను .
కొద్దిదూరంలో ఆ అన్న చెప్పిన పెద్దపెద్ద బిల్డింగ్స్ కనిపించగానే , పని దొరకనీ దొరకకపోనీ ఏదో అద్భుతాన్ని చూస్తున్నట్లు పెదాలపై చిరునవ్వులు - హుషారుదనం వచ్చేసింది . బిల్డింగ్స్ వైపు ఏకంగా పరుగుపెట్టాను ఫుల్ ఎనర్జీ వచ్చేసినట్లు ..........
బిల్డింగ్స్ నలువైపులా పెద్ద కాంపౌండ్ గోడ , గోడ వెంబడి పరుగుపెట్టి కేవలం ఖరీదైన కార్స్ మాత్రమే వచ్చి వెళుతున్న ప్రవేశద్వారాన్ని చేరుకున్నాను . నాకు పని దొరికే చోటు అని దండం పెట్టి లోపలికి అడుగులువేశాను .

సెక్యురిటి ఆపి నా వాలకం - నా మూటను చూసి , నీలాంటి వాళ్లకు లోపలికి ప్రవేశం లేదు అని తోసేశాడు .
అన్నా అన్నా ........ పనికోసం వచ్చానన్నా , ఏపనైనా చేస్తానన్న లోపలికి వదలండన్నా అని ప్రాధేయపడ్డాను .
సెక్యురిటి : రేయ్ బాబూ ........ నిన్ను లోపలికివదిలితే మా జాబ్ పోతుందిరా , ఇలా ఉన్న నిన్ను ఇక్కడచూసినా మమ్మల్ని తిడతారు ఈ బలిసినవాళ్ళు , మేమే సంవత్సరాలుగా పనిచేస్తున్నా గేట్ దాటి లోపలికివెళ్లలేదు , వెళ్లరా బాబూ వెళ్లు తొందరగా వెళ్లు , మా జాబ్ కే ఎసరుపెట్టేలా ఉన్నావు .

ఎంత బ్రతిమాలినా లోపలికి పంపించకపోవడం - లోపలికి వెలితేనే కానీ పని దొరకదు కాబట్టి ఇలాకాదు అని గోడ వెంబడి వెళ్లి టర్నింగ్ లో ప్రక్కనే ఉన్న చెట్టు ఎక్కడం ద్వారా గోడమీదకు చేరుకున్నాను . గోడ ప్రక్కనే పెద్ద గ్రౌండ్ - గ్రౌండ్ లో నా వయసున్న పిల్లలు నాకిష్టమైన - నేను బాగా ఆడే క్రికెట్ ఆడుతుండటం చూసి చెట్టునీడలో గోడపై కూర్చుని చూస్తున్నాను . చెట్టుపై నేరేడు పండ్లు నల్లగా నిగనిగలాడుతుండటం - గోడపైనుండే చేతికందేంతలా ఉండటంతో మాగినవాటిని తీసుకుని తింటుంటే ప్రాణం లేచొచ్చింది .
బ్యాటింగ్ టీం క్లాస్ గా ఒకేరకమైన జెర్సీ వేసుకున్నారు - ఫీల్డింగ్ టీమ్ మాస్ గా నాలాంటి పిల్లలు .
మాస్ పిల్లలు పర్ఫెక్ట్ లైన్ అండ్ లెంగ్త్ లో బౌలింగ్ వేస్తుంటే జెర్సీ వేసుకున్న పిల్లలకు ఉచ్చపడుతున్నట్లు వొళ్ళంతా దెబ్బలు తగిలించుకుంటున్నారు , చిన్న చిన్న దెబ్బలకే అమ్మా హబ్బా అంటూ రిటైర్డ్ హార్ట్ అయ్యి కూర్చుంటున్నారు . ఫీల్డింగ్ టీమ్ నవ్వుకుంటున్నారు - వాళ్ళ ఆట చూసి నాకూ తెగ నవ్వు వచ్చేస్తోంది . ఆడటం రాకపోగా డబ్బుందనే అహంకారం చూయించి తప్పుబడుతున్నారు . ఫీల్డింగ్ టీమ్ తప్పులా నాకైతే అనిపించడం లేదు - ఫాస్ట్ బౌలింగ్ మైంటైన్ చేస్తున్నారు అంతే ........
బ్యాటింగ్ టీం డబ్బుతో మాటలు గెలిచినట్లు ఫాస్ట్ బౌలింగ్ నుండి స్పిన్ మాత్రమే వేసేలా రెస్ట్రిక్ట్ చేసినట్లు అనిపించింది . స్పిన్ బౌలింగ్ లో కూడా తడబడుతోంది బ్యాటింగ్ జట్టు - ఫస్ట్ ఇన్నింగ్స్ పూర్తయ్యేంతవరకూ స్పిన్ బౌలింగ్ మాత్రమే ...... - ఫాస్ట్ బౌలర్లను స్పిన్ వెయ్యమంటే ఎలా వేస్తారో అంత సులభంగా వేస్తున్నా ఓవర్ కు 6 రన్స్ కొట్టడానికి తెగ కష్టపడుతున్నారు . ఎలాగోలా 15 ఓవర్లు కంప్లీట్ గా ఆడి 60 రన్స్ కొట్టి సూపర్ స్కోర్ అంటూ చంకలు గుద్దుకోవడం చూసి నాకైతే నవ్వు ఆగడం లేదు .
ఇలాంటి గ్రౌండ్ ఉంటే 5 - 6 ఓవర్లలో ఫినిష్ చేసేస్తాను . అదేవిషయం ఇప్పటివరకూ ఫీల్డింగ్ చేసిన పిల్లలలో ప్రస్ఫూటంగా కనిపిస్తోంది .

Expect చేసినట్లుగానే నాలాంటి మాస్ పిల్లలు మొదలుపెట్టడమే మొదలుపెట్టడం ఫస్ట్ బాల్ కే నా మీదుగా గోడ బయటకు వెళ్ళిపడేలా సిక్స్ కొట్టి ఈజి బౌలింగ్ అంటూ బ్యాట్స్ తో హైఫై కొట్టుకున్నారు - పెవిలియన్ లో ఉన్న మాస్ పిల్లలందరూ ఈలలు కేకలు వేస్తున్నారు . రేయ్ ....... 5 ఓవర్స్ లో ఫినిష్ చేసేస్తారా ఏమిటి , ఈ బుచికి బౌలింగ్ లో ఒక్క బాల్ అయినా మాకూ ఛాన్స్ ఇవ్వండిరా ఏకంగా మన బస్తీలో పడేలా కొడతాము అని కవ్విస్తున్నారు .
క్లాస్ కెప్టెన్ : ఇన్సల్ట్ గా ఫీల్ అయ్యి ఉడికిపోతూ బ్యాట్స్ మన్ దగ్గరికివెళ్లి ఇంకొక్కసారి బాల్ బయటకు కొడితే మీరు ఒడిపోయినట్లే .........
బ్యాట్స్ మన్ : మా బాల్ మా ఇష్టం , ఇలా కొట్టి ఎంజాయ్ చెయ్యాలనే 4 - 5 బాల్స్ తెచ్చుకున్నాము . మీ బౌలింగ్ లో పస లేదు అని ఒప్పుకోక , బాల్ బయటకు వెళితే ఓడిపోయినట్లే అంటే ఎలా , ఇలా అయితే సిక్స్ ఫోర్ కొట్టినా ఓడినట్లే అనేలా ఉన్నారే అని మరొక బాల్ అందించి నవ్వుకుంటున్నారు .

క్లాస్ కెప్టెన్ : కోపంతో ఊగిపోతూనే బాల్ బౌలర్ కు అందించి యార్కర్ వెయ్యమని సైగలుచేశాడు .
మాస్ టీం : వీళ్ళు యార్కర్ ఎప్పుడు వెయ్యాలి రేయ్ గెట్ రెడీ బ్యాట్ పిచ్ బాల్ అని గట్టిగా కేకలువేసి నవ్వుకుంటున్నారు .
క్లాస్ బౌలర్ పరుగునవచ్చి యార్కర్ వెయ్యాలనుకున్నా అనుభవం లేనట్లు టాస్ బాల్ వేసాడు .
అంతే ఆ బంతి కూడా బయటకువెళ్లేదే జస్ట్ మిస్ , గోడ చివరన తాకి గ్రౌండ్ లోనే పడిపోయింది .
మాస్ పిల్లలు : యార్కర్ అంట యార్కర్ , కనీసం బ్యాట్ పిచ్ కూడా కాదు బుజ్జిపిల్లలకు వేసినట్లు టాస్ బాల్ వేసాడు అని కేరింతలు కొడుతున్నారు .

అంతే క్లాస్ కెప్టెన్ కు తోడుగా వాళ్ళ టీం అంతా ఒకదగ్గరిచేరి , బాల్ బయటకు వెళ్లి ఉంటే మనమే గెలిచేవాళ్ళము రేయ్ మరింత టాస్ వెయ్యాల్సింది అని కన్నింగ్ స్మైల్ నవ్వుకుంటున్నారు .
బ్యాట్స్ మన్ : రేయ్ రేయ్ ....... అలా అని మేము ఒప్పుకోలేదు .
మా గ్రౌండ్ మా ఇష్టం రా ఇప్పుడే రూల్స్ మార్చాము - మీ బెట్టింగ్ డబ్బులు మాకు ఇచ్చారు గుర్తుపెట్టుకోండి - ఇంకొక్కసారి బయటకు కొడితే మీరు ఓడిపోయినట్లే , డబ్బులు మాకే ........
బ్యాట్స్ మన్ : డబ్బులు మీకేమి తక్కువరా , ఒక్కొక్కడూ బాగా బలిసినోళ్లు కదా ...........
క్లాస్ కెప్టెన్ : అవును మేము రిచ్ మీరు పూర్ - ఇక్కడ డబ్బు మ్యాటరే కాదు , మా costly ఏరియాలోకి అడుగుపెట్టడానికి కూడా మీకు అర్హత లేదు - అయినాకూడా ఏకంగా గ్రౌండ్ లోకి రప్పించాము ఎందుకు మాకు ఓడిపోయే ఒక టీం కావాలి కాబట్టి - ఓడిపోయిన తరువాత మీ ముఖాలను చూసి మేము ఎంజాయ్ చెయ్యాలని - ఈ బెట్ మాకు కాలేజ్ ఇంటర్వెల్ బిల్ తో కూడా సమానం కాదురా అని హేళన చేస్తున్నారు .
బ్యాట్స్ మన్ : ఇందుకోసమారా మమ్మల్ని లోపలికి పిలిపించినది సెక్యూరిటీని పంపిమరీ ........ , ఫ్రెండ్షిప్ కొద్దీ పిలిచారని సంతోషంతో వచ్చాము కదరా ........
క్లాస్ కెప్టెన్ : ఇంకొక్కసారి రా అన్నావంటే మా సెక్యూరిటీని పిలిపించి కొట్టిస్తా ......
మరొక బ్యాట్స్ మన్ : రేయ్ ........
బ్యాట్స్ మన్ : ఆపి , రేయ్ మనం అడుగగానే బెట్ మొత్తం వాళ్లకు కలిపి తప్పుచేసామురా ....... , మనకు డబ్బు ముఖ్టం - ok ok బాల్ బయటకు కొట్టకుండా గెలిస్తే డబ్బులు ఇస్తారా ..... ? .
క్లాస్ కెప్టెన్ : ఇలా దారికి రండి , మీవాళ్ళు ఒక్కడు కూడా విజిల్స్ కేకలు వేయకూడదు .
బ్యాట్స్ మన్ : కరెంట్ బిల్ , వాటర్ బిల్ , రేషన్ డబ్బులు కడతామని తీసుకొచ్చిన డబ్బులు - అవి పే చెయ్యకపోతే మా ఇళ్లల్లో మమ్మల్ని గొడ్డును కొట్టినట్లు కొడతారు - మేము బయటకు కొట్టము , మావాళ్ళు విజిల్స్ వెయ్యరు మ్యాచ్ కంటిన్యూ చేద్దాము .

పిల్లలే అయినా బలుపు చాలానే ఉంది వీళ్లకు ఇలాంటి రూల్స్ నేనెక్కడా వినలేదు చూడలేదు అని ఆశ్చర్యపోయాను .

నెక్స్ట్ త్రీ బాల్స్ వరుసగా నేలను తాకుతూనే మూడువైపులా మూడు ఫోర్లు వెళ్లేలా కొట్టాడు .
పెవిలియన్ లో ఉన్న పిల్లలు విజిల్స్ - కేకలు వెయ్యబోయి రేయ్ రేయ్ ...... కరెంట్ బిల్ రా అని నోటికి తాళం వేసుకున్నారు .
బ్యాట్స్ మన్ ఆడిన విధానం ( సులభంగా సిక్స్ కొట్టే బంతిని కూడా చాకచక్యంగా ఫోర్ గా మలిచిన ) భలే కిక్కిచ్చినట్లు నేరేడు పళ్ళ ఎనర్జీతో విజిల్ వేసాను .
బ్యాట్స్ మన్ కంగారుపడుతూ - ఫీల్డింగ్ క్లాస్ టీం కోపంతో విజిల్ సౌండ్ వైపు చూస్తున్నారు .
నేనెలా కనిపిస్తాను చెట్టు ఆకుల మధ్యన దాక్కున్నాను కదా , నోటిని చేతులతో మూసుకుని నవ్వుకున్నాను .
బ్యాట్స్ మన్ : రోడ్డుపై వెళుతున్న కార్ విజిల్ అయి ఉంటుంది అని చెప్పడంతో అందరూ కూల్ అయ్యారు .
అప్పటికే 5 బంతులు 24 రన్స్ రావడంతో ఇలా అయితే రెండు ఓవర్ లలో మ్యాచ్ గెలిచేలా ఉన్నారు కాబట్టి గ్రౌండ్ బయటవెళ్ళిపడేలా , హైట్ నోబాల్ హైట్ లో బంతిని బలంగా విసరమని కన్నింగ్ స్మైల్ తో చెప్పాడు - బ్యాట్ బంతిని తాకగానే గోడ బయటకు వెళ్ళిపడాలి .
బౌలర్ : అర్థమైంది కెప్టెన్ ఇక గెలుపు మనదే అని మరిన్ని అడుగులు వెనక్కువెళ్లాడు రేయ్ మీ పని అయిపోయినట్లే ......... అనుకున్నట్లుగానే హైట్ నోబాల్ వెయ్యడం ఎక్కడ తగులుతుందేమోనని బ్యాట్ ఊపడంతో ఆ స్ట్రోక్ కు బంతి మొదటి సిక్స్ కంటే దూరంగా గోడ అవతల పడింది .
బ్యాట్స్ మన్ అయ్యో అంటూ నెత్తిపై చేతినివేసుకుని వెంటనే రేయ్ రేయ్ రేయ్ నో బాల్ నో బాల్ అంపైర్ నో బాల్ అంటూ గెలుపు సంబరాలలో ఉన్న కెప్టెన్ దగ్గరికి వెళ్ళాడు .
క్లాస్ కెప్టెన్ : గుడ్ బాల్ నో బాల్ ....... ఏ బాల్ అయితేనేమి గోడను దాటితే మేము గెలిచినట్లే అని చెప్పామా లేదా ....... , సో గు** నోరు మూసుకుని బయటకు దేంగేయ్యండి .
బ్యాట్స్ మన్ : రేయ్ రేయ్ ....... ఎలాగైనా తిట్టుకో మా డబ్బునైనా ఇవ్వు , బిల్స్ కట్టకపోతే ఇంట్లో మమ్మల్ని కొడతారు .
క్లాస్ కెప్టెన్ : సావ కొట్టడం కూడా మేము కళ్లారా చూసే అదృష్టం లభిస్తే భలే ఉంటుంది ప్చ్ ........ మిస్ అవుతున్నాము . అయినా ఓడిపోయినవాళ్లకు బెట్ డబ్బులు వెనక్కు ఇవ్వరు - మీరే వెళతారా లేక సెక్యూరిటీని పిలిపించి బయటకు తోసేయ్యమంటారా ........ తినడానికి తిండి లేదు కానీ మ్యాచ్ గెలవడానికి వచ్చారు ముష్టి వెధవలు ........
బ్యాట్స్ మన్ : రేయ్ మమ్మల్నే అంతమాట అంటావా అని క్లాస్ కెప్టెన్ కాలర్ పట్టుకున్నాడు .
క్లాస్ కెప్టెన్ : ఎంత ధైర్యం రా నీకు నన్ను టచ్ చేయడానికే మీలాంటి వాళ్లకు అర్హత లేదు అలాంటిది ఏకంగా నా కాలర్ పెట్టుకుంటావా అని తోసేసి కాళ్లతో తన్నాడు .
రేయ్ మావాడినే కొడతారా అని వచ్చిన మరొక బ్యాట్స్ మన్ ను కూడా కిందపడేసి ఇష్టమొచ్చినట్లు కొడుతున్నారు , చేతులలో బ్యాట్లు లేవు కానీ వాటితోనూ కొట్టేవాళ్లే ..........

రేయ్ రేయ్ మావాళ్లనే కొడతారా అని బ్యాట్స్ - వికెట్స్ చేతపట్టుకుని కోపంతో పరుగునవచ్చారు మాస్ టీం అంతా ..........
వారిని చూడగానే క్లాస్ టీం భయపడిపోయినట్లు dad mom సెక్యురిటీ అంటూ గట్టిగా కేకలువేస్తూ వారి నుండి తప్పించుకోవడానికి నావైపుకు పరుగులు తీస్తున్నారు ఉచ్చపడినట్లు .........
గాలివాన చినికి చినికి తుఫానులా మారినట్లు చూస్తుంటే ఇక్కడ రక్తం చిందేలా ఉందని - బ్యాట్ , వికెట్ తో బలంగా కొడితే తలలు పగిలినా పగులుతాయి - అభం శుభం తెలియని అమాయకమైన వయసు చూస్తూ ఊరుకోలేను అని అంతెత్తు గోడను జంప్ చేసి పరుగునవెళ్ళాను .
మరొకవైపు నుండి సెక్యూరిటీ పిల్లలూ పిల్లలూ ఆగండి ఆగండి అని పరుగునవస్తున్నారు .

దొరికావురా కెప్టెన్ గా అంటూ వాళ్ళవైపుకు తిప్పుకుని అంతెత్తుకు బ్యాటుని - వికెట్స్ ఎత్తి నెత్తిపై కొట్టేంతలో ........
మధ్యలోకివెళ్లి బ్యాటు - ఒక వికెట్ ను చేతితో ఆపగలిగాను కానీ మరొక వికెట్ నా భుజంపై పెద్ద దెబ్బనే రుచి చూయించింది .
అవ్వా ........ అంటూ నేను - భయంతో మమ్మీ అంటూ క్లాస్ కెప్టెన్ కళ్ళుమూసుకున్నాడు నన్ను పట్టుకుని - బాబూ మురళీ అంటూ దూరం నుండి పేరెంట్స్ మరికొంతమంది - సెక్యూరిటీ కంగారుపడుతూ రేయ్ రేయ్ అంటూ వచ్చి చూసి హమ్మయ్యా ........ బ్రతికిపోయాము అంటూ పిల్లల నుండి బ్యాట్స్ వికెట్స్ లాక్కుని దూరంగా పడేసి , ఎంత ధైర్యం రా మీకు కొద్దిలో ఉంటే చంపేసేవాళ్ళు , మిమ్మల్ని ఊరికే వదిలేవాళ్ళు కాదు వీళ్ళు అంటూ దూరం తీసుకెళ్లి చేతిలోని కర్రలతో కొట్టి ........ , మేడం సర్స్ ........ బాబుకు ఏమీకాలేదు అని క్లాస్ పిల్లలందరినీ సేఫ్ గా వారి పేరెంట్స్ దగ్గరికి చేర్చారు .
పేరెంట్స్ : మై బాయ్ , నాన్నా , బాబూ ........ మీకేమీ కాలేదుకదా .......
సెక్యురిటీ : ఏమీకాలేదు మేడం , ఎవరోకానీ ఆ అబ్బాయి గోడ పైనుండి కిందకు దుంకిమరీ సరైన సమయంలో అడ్డుపడ్డాడు - ఒక్క క్షణం ఆలస్యమైనా ఊహించని సంఘటన జరిగిపోయేది - ఆ అబ్బాయికి గట్టి దెబ్బే పడినట్లుంది మేడం .......
పేరెంట్స్ : థాంక్స్ బాబూ ........ దేవుడిలా వచ్చి రక్షించావు .
స్స్స్ ........ అంటూ నొప్పితో చేతిని విదిల్చాను .
ఒక పేరెంట్ : నో నో నో అలా చెయ్యకు అంటూ షర్ట్ తొలగించి చెక్ చేసి , భుజం ఎముక విరిగినట్లుగా ఉంది తొందరగా వెళ్లి ట్రీట్మెంట్ చేయించుకో బాబూ ........ వెళ్లు వెళ్లు లేకపోతే నొప్పి మరింత పెరుగుతుంది .
మేడం : మీరు డాక్టర్ కదా మన పిల్లలను ఇందులో మీ పిల్లాడు కూడా ఉన్నాడు కాపాడిన ఈ పిల్లాడికి మీరే ట్రీట్మెంట్ చెయ్యొచ్చుకదా .......
డాక్టర్ : చెయ్యొచ్చు కానీ జీవితంలో ఇప్పటివరకూ ఫ్రీ గా ట్రీట్మెంట్ చెయ్యనేలేదే .........
మేడం : ఇప్పుడు కూడా ఇలా ఆలోచిస్తే ఎలా ...... , మీ ఫీజ్ మేము భరిస్తాము .
డాక్టర్ : అయితే ok నాకేమీ అభ్యంతరం లేదు . నాకు కావాల్సింది ఫీజ్ ఎవరు ఇస్తే ఏమిటి .
గుంపులో : తరాలు కూర్చుని తిన్నా కరగని ఆస్తిని సంపాదించావు - సిటీలోనే బిగ్గెస్ట్ హాస్పిటల్ ......... సొంత కొడుకు ప్రాణాలు కాపాడిన పిల్లాడికి ట్రీట్ చెయ్యడానికి కూడా ఫీజ్ అడుగుతున్నాడు మినిషా లేక .........
డాక్టర్ : ఇలాంటివన్నీ పట్టించుకునే వాడిని అయితే ఇప్పుడు ఈ స్థాయిలో ఉండేవాడిని కాదు - మీ మొగుల్లేమీ తక్కువ వాళ్ళు కాదు వాళ్ళ వాళ్ళ ప్రొఫెషన్ లో నాలానే ఉన్నారు . అయినా ఈ అలగాజనం పిల్లలను లోపలికి ఎవరు రానిచ్చింది - సెక్యూరిటీ ........ నిద్రపోతున్నారా ? .
సెక్యురిటి : మేము వద్దనే అన్నాము సర్ , పిల్లలే మ్యాచ్ కోసం రప్పించుకున్నారు .
డాక్టర్ : సరే సరే ముందు వాళ్ళను బయటకు గెంటెయ్యండి .
మాస్ పిల్లలు : మ్యాచ్ మేమే గెలిచేవాళ్ళము మా బెట్టింగ్ డబ్బు - వీళ్లిద్దరి ట్రీట్మెంట్ డబ్బు ఇస్తే వెళతాము లేకపోతే మీ పిల్లలను ఊరికే వదిలేది లేదు .
క్లాస్ కెప్టెన్ మురళి : డబ్బులే కాదు మమ్మల్నే కొట్టడానికి ఎత్తిన బ్యాట్స్ కూడా ఇచ్చేది లేదు ఎవరికి చెప్పుకుంటారో చెప్పుకోండి - సెక్యురిటి అందరినీ బయటకు లాగి పడేయ్యండి .
డాక్టర్ : మా పిల్లలనే కొడతారా కొట్టిమరీ బయటకు తోసేయ్యండి . ఇంకెప్పుడూ లోపలకు వదలకండి .
ఐదారుమంది సెక్యూరిటీ వచ్చి కర్రలతో బయటకు తోసేస్తున్నారు .

మాస్ పిల్లలు : రేయ్ మురళీ అండ్ గ్యాంగ్ ....... డబ్బుతో గుద్దబలిసి కొట్టుకుంటున్నారు . ఇప్పుడు ఇక్కడ మీ పేరెంట్స్ సెక్యూరిటీ మరియు మా అందరినీ నుండి ఒక్కడై ఆ పిల్లాడు అడ్డుపడ్డాడు - ఈ గేట్ దాటి బయటకు రారా అప్పుడు చెబుతాము మీ సంగతి , అడ్డుకోవడానికి వాడు కూడా ఉండడు - కాలేజ్ లో మీరొక్కరే ఉంటారుకదా , కాలేజ్ గేట్ జంప్ చేసిమరీ మీ అంతు చూస్తాము . డబ్బు పోయిందని చెబితే మా నాన్నలు ఎన్ని దెబ్బలు కొడతారో అంతకు రెట్టింపు మిమ్మల్ని సావ కొడతాము ఇదే మా ఛాలెంజ్ ........
క్లాస్ పిల్లలు : mummy - dad ........ భయమేస్తోంది . వాళ్ళు చెప్పినట్లు కాలేజ్లో ........
మేడమ్స్ : ఇప్పుడెలా ....... , అనుక్షణం పిల్లలతో ఉండటం కుదరదు - ఈ సెక్యూరిటీ వాళ్ళను నమ్మడానికి వీల్లేదు - కాలేజ్ కు పంపించకుండా ఉండలేము .
గుంపులో ఒకరు : ఈ పిల్లాడిని మన పిల్లలతోపాటు కాలేజ్ కు పంపిస్తే సరి ......
మేడమ్స్ : అవునవును , ఎవరో తెలియకుండానే ప్రాణాలకు తెగించి మన పిల్లలను కాపాడాడు . బాబూ ....... నీ పేరేంటి ? నువ్వెవరు ? మీ పేరెంట్స్ ఎవరు ? ఏమి చేస్తుంటావు ?
నా పేరు మహేష్ - అనాధను మేడం - govt కాలేజ్లో 10th క్లాస్ చదువుతున్నాను , చదువుకుంటూనే ఇక్కడకు పనికోసం .........
సెక్యూరిటీ : ఆ గుర్తొచ్చింది మేడమ్స్ పనికోసమని గేట్ దగ్గరకు వస్తే మేమే పంపించేసాము , లోపలికి రావడానికి గోడ ఎక్కినట్లున్నాడు .
మేడమ్స్ : 10th క్లాస్ అన్నావుకదూ ఎక్కడ govt కాలేజ్ కదా , మా పిల్లలు కూడా 10th 9th 8th ....... చదువుతున్నారు . వీళ్ళతోపాటు నువ్వుకూడా చదువుకోవచ్చు , నీ ఫీజ్ మొత్తం మేమే భరిస్తాము , govt కాలేజ్ నుండి మా పిల్లల ఇంటర్నేషనల్ కాలేజ్ కు మార్పిస్తాము , నువ్వు చెయ్యాల్సినదల్లా మా పిల్లలు ఎక్కడకువెళ్లినా తోడుగా ఉండి జాగ్రత్తగా ఇంటికి తీసుకురావాలి . అనాధ అన్నావు కాబట్టి ఉండటానికి చోటు ఇస్తాము - మూడు పూటలా భోజనం పెడతాము - నెల నెలా పనికితగ్గ డబ్బు ఇస్తాము .

మూడుపూటలా భోజనం అని వినగానే నా కళ్లల్లో కన్నీళ్లు ధారలా కారిపోతున్నాయి .
పిల్లలు : మమ్మీ మమ్మీ ........ వీడెవడో ఇష్టం లేదు కానీ , వీడు ప్రక్కనే ఉంటే కాస్త దైర్యంగా ఉంది మమ్మీ ........ , మమ్మల్ని వదిలి ఎక్కడికీ వెళ్లకూడదు అని గట్టిగా చెప్పండి లేకపోతే కాలేజ్ కు వెళ్ళము .
మేడమ్స్ : బాబూ ........ నీకు ఇష్టమే కదా ......
ఇష్టం ఇష్టం అంటూ కన్నీళ్లను తుడుచుకున్నాను .
మేడమ్స్ : ఏంటీ కన్నీళ్లు నొప్పివేస్తోందా ? , డాక్టర్ ....... కాస్త తొందరగా ........
డాక్టర్ : ఇక్కడే ఎలా ట్రీట్ చెయ్యను , ఇంటి బయట ఉన్న క్లినిక్ కు తీసుకెళ్లాలి , రేయ్ ....... ఫాలో అవ్వరా అని తన కొడుకు చేతిని పట్టుకుని నడిచాడు .
వెనుకే వెళ్లడంతో స్కాన్ చేసి భుజపు ఎముకను సరిచేసి భుజం నుండి చేతివరకూ పుత్తూరు కట్టును కట్టాడు . వారం వరకూ ఎడమ చేతిని కదిలించకు అని చెప్పి ఇంజక్షన్ టాబ్లెట్స్ ఇచ్చి అందరి నుండి ఫీజ్ తీసుకుని కానీ నన్ను బయటకు వదలలేదు మహానుభావుడు .
​
Next page: Update 57
Previous page: Update 55